InfoHub Logo

АҚШ президенті Дональд Трамп әлемдегі ең белсенді террористердің бірінің жойылғаны туралы мәлімдеді. Бұл туралы ол өзінің Truth Social әлеуметтік желісіндегі парақшасында жазды.

Бұл туралы Infohub.kz ақпарат агенттігі хабарлайды.

Трамптың айтуынша, бұл ИС террористік ұйымының командирлерінің бірі. Оны жою операциясы Нигерияда жүргізілген.

Операцияның егжей-тегжейі

«Бүгін кешке менің бұйрығыммен АҚШ-тың батыл күштері мен Нигерия Қарулы Күштері мұқият жоспарланған және өте күрделі операцияны сәтті аяқтады. Әлемдегі ең белсенді террористі жойдық. ИС-тің жаһандық иерархиясындағы екінші тұлғасы Абу-Билал аль-Минуки Африкада жасырынып жүрмін деп ойлаған, бірақ бізде оның әрекеттерін бақылап отырған дереккөздер бар екенін білмеді. Енді ол Африка халықтарын үрейлендіре алмайды немесе американдықтарға қарсы операцияларды жоспарлауға көмектесе алмайды. Оның жойылуымен ИС-тің жаһандық қызметі айтарлықтай әлсіреді. Бұл операциядағы серіктестігі үшін Нигерия үкіметіне рахмет», - деп жазды АҚШ президенті.

Естеріңізге сала кетейік, өткен желтоқсанда АҚШ Сирияда ИС позицияларына соққы берген болатын. «Қарлығаш соққысы» деп аталған операция Пальмирадағы американдық әскерилерге жасалған шабуылға жауап ретінде жүргізілді.