gov.kz
Экс-әкім жұмыстан босатылғаннан кейін Ақтөбе облысында қайтыс болды
Ақтөбе облысында Кенкияқ ауылдық округінің бұрынғы әкімі Қуанышбек Серікжанов өлі күйінде табылды. Бұл ақпаратты облыс әкімдігі растады.
Ресми мәліметтерге сүйенсек, 4 мамырда 2026 жылы Қуанышбек Серікжанов қызметінен кету туралы өтініш жазған. 5 мамырда оны қызметінен босату туралы бұйрыққа қол қойылды. Ал 6 мамыр күні таңертең Серікжанов Кенкияқ ауылындағы өз үйінен өлі күйінде табылған.
Ақтөбе облыстық полиция департаменті 1983 жылы туған ер адамның өлімі бойынша сотқа дейінгі тергеу басталғанын хабарлады.
«Тергеу барысында оқиғаның барлық мән-жайы анықталады. Тергеу мүддесі үшін басқа ақпарат жария етілмейді», - деп атап өтті ведомство.
Қуанышбек Серікжанов 2013 жылдан бері мемлекеттік қызметте болғаны, ал ауылдық округ әкімі қызметін 2023 жылдан бастап атқарғаны белгілі.
Бұған дейін Ақтөбе облысы Темір қаласының әкімі Еркін Дәлмагамбетовтің өлі табылуы туралы хабарлаған едік. Оның әріптестерінің айтуынша, қайтыс болғанға дейін ол достарымен және сыныптастарымен кездескен. Кейін ол шығып кетіп, ораламын деп уәде берген. Алайда, мемлекеттік қызметкер соңында өз ауласынан асылып тұрған күйінде табылған.
-
В Уральске состоялся спуск на воду крупнейшего корабля, построенного в Казахстане. Судно предназначено для укрепления обороноспособности страны.
-
The former Akim of Kenkiyak rural district was discovered deceased at his home shortly after submitting his resignation. An investigation is underway.
