InfoHub Logo

Қазақстандық теннис жұлдызы Елена Рыбакина АҚШ-тың Калифорния штатында өтіп жатқан беделді WTA 1000 турнирінде жолын сәтті бастады. Әлемнің үшінші ракеткасы екінші айналымда америкалық Хэйли Баптисті тартысты ойыннан кейін жеңді.

Бұл туралы Infohub.kz ақпарат агенттігі хабарлайды.

Кездесуде Рыбакина 7:6 (7:5), 2:6, 6:2 есебімен басым түсті. Ойын 2 сағат 18 минутқа созылды. Қазақстандық теннисші алты эйс жасап, бес рет қос қателік жіберсе, қарсыласы алты эйс пен төрт қос қателікке жол берді.

Келесі айналымда Елена Рыбакина украиналық Марта Костюк пен америкалық Тейлор Таунсенд арасындағы матчтың жеңімпазымен кездеседі.

Индиан-Уэллс турнирінің жалпы жүлде қоры 18,8 миллион долларды құрайды.