tengrinews.kz
Филиппинде 7,8 баллдық жойқын жер сілкінісі болды, цунами қаупі жарияланды
Филиппиннің Минданао аралының маңында 7,8 баллдық жойқын жер сілкінісі тіркелді. Оқиға жергілікті уақыт бойынша 8 маусымға қараған түні болды. Апаттық жағдайларға байланысты цунами қаупі туралы ескерту жарияланды.
Бұл туралы Infohub.kz ақпарат агенттігі хабарлайды.
Жер сілкінісінің ошағы
Германияның Геофизикалық зерттеу орталығының (GFZ) мәліметінше, жер сілкінісінің ошағы 10 шақырым тереңдікте орналасқан. Алғашқыда магнитудасы 8,2 балл деп бағаланғанымен, кейіннен 7,8 баллға дейін нақтыланды.
Цунами қаупі
Филиппин сейсмологиялық агенттігі (Phivolcs) жер сілкінісінің магнитудасын 7,0 балл деп хабарлап, биіктігі бір метрден асатын цунами болуы мүмкін екенін ескертті. Индонезияның метеорологиялық қызметі (BMKG) магнитуданы 7,7 балл деп көрсетті. Елдердің билігі цунами қаупін жариялап, халықты сақ болуға шақырды.
Қазіргі жағдай
Әзірге екі елде де елеулі қираулар мен құрбандар туралы ресми мәлімет келіп түскен жоқ. Алабель қаласының полиция бастығы Бенджи Анчета бұл оқиғаны «бұрын-соңды болмаған ең күшті жер сілкінісі» деп сипаттады. Индонезияның Манадо қаласындағы куәгерлер жер сілкінісінің қатты сезілгенін айтты. Әлеуметтік желіде ғимараттың қирап жатқан сәті түсірілген видеолар пайда болды.
-
Танымал актриса әрі блогер Әсел Асқар өзінің әзілқой мінезімен желіде көпшіліктің қызығушылығын тудырды.
-
A powerful 7.8 magnitude earthquake has struck the Philippines, prompting a tsunami warning. Authorities are urging caution as the full extent of the impact is assessed.
