InfoHub Logo

Қазақстанның Ұлттық Олимпиада комитетінің басшысы, белгілі боксшы Геннадий Головкин Мысырдың Гиза қаласында өтетін кәсіпқой бокс кешіне қатысты. Бұл шараның басты тартысы – аса ауыр салмақтағы бұрынғы әлем чемпионы Александр Усик пен нидерландтық кикбоксшы Рико Верхувен арасындағы жекпе-жек.

Бұл туралы Infohub.kz ақпарат агенттігі хабарлайды.

DAZN стримингтік сервисі әлеуметтік желіде Головкиннің іс-шараға келген сәтінен видео жариялады. Видеода оның жанында ағасы Максим Головкин де көрінеді. Желідегі жазбада «Головкин келді. Гиза қазір аңыздарға толы» деп айтылған.

Жекпе-жектің ерекшеліктері

Аса ауыр салмақтағы бокс чемпионы мен кикбоксинг жұлдызы арасындағы кездесу бокс ережелері бойынша өтеді. Бәске Усикке тиесілі WBC, WBA және The Ring журналының чемпиондық белбеулері тігілген. Қызықтысы, бұл жекпе-жек Мысырдың аты аңызға айналған Гиза пирамидаларының жанындағы арнайы салынған рингте ұйымдастырылып отыр. Шара Сауд Арабиясының Бас ойын-сауық басқармасының төрағасы Түрки Аль аш-Шейхтің қолдауымен өтуде.