InfoHub Logo

ҚР Президенті жанындағы Орталық коммуникациялар қызметінің подкастында ішкі істер министрі Ержан Сәденов қоғамда қызу талқыланған мәселелерге, соның ішінде «Штрафстан» түсінігіне қатысты пікір білдірді.

Министр бұл терминді ережені бұзатындар ғана қолданатынын атап өтті. «Ережені бұзбасаңыз, айыппұл да салынбайды. Қарапайым тәртіпті сақтау – мәдениеттің бір бөлігі», – деді ол.

Сондай-ақ, Сәденов полицияның басты мақсаты – айыппұл жинау емес, құқық бұзушылықтардың алдын алу екенін айтты. Оның пікірінше, қоғам заң талаптарын саналы түрде қабылдауы керек.

Министр «Заң мен тәртіп» қағидаты қазақ қоғамына генетикалық деңгейде тән екенін атап өтіп, «Жеті жарғы» мен дала заңдарының да осы тәртіпке негізделгенін еске салды.