InfoHub Logo

Таяу Шығыстағы жағдайдың ушығуына байланысты әлемдік мұнай бағасы күрт көтерілді. Trading Economics мәліметінше, 1 маусымда Brent маркалы мұнай баррелінің бағасы 6,5 пайызға өсіп, 97,05 долларға жетті.

Бұл туралы Infohub.kz ақпарат агенттігі хабарлайды.

Не болды?

Бағаның өсуіне Иранның АҚШ-пен келіссөздерді тоқтатқаны туралы Иранның Tasnim ақпарат агенттігінің хабары себеп болды. Мұның алғышарты ретінде Ливандағы және Газадағы израильдік операциялар аталды.

Бұған дейін Израиль армиясына Бейрут маңындағы Дахия ауданындағы, «Хезболла» ұйымының ықпалы күшті аймақтардағы нысандарға шабуыл жасауды тапсырған болатын. Израиль тарапы бұл әрекетті топтың ел солтүстігіне жасаған шабуылдары мен бітімгершілікті бұзуының жауабы деп мәлімдеді.

Бағаларға не болды?

Trading Economics деректеріне сәйкес, Brent маркалы мұнай баррелінің бағасы 97,05 долларға дейін көтерілді. Бұл алдыңғы күнмен салыстырғанда 6,5 пайызға жоғары.

The Wall Street Journal газеті де мұнай котировкаларының күрт өскенін жазады: WTI маркалы мұнай 6,5 пайызға өсіп, 93,03 долларға, ал Brent 5,5 пайызға өсіп, 96,13 долларға жетті.

Нарық неге бұлай реакция жасады?

Нарықтағы дүрлігудің басты себебі – қақтығыстың Иранды тарта отырып, кеңеюі мүмкін деген қауіп. Tasnim агенттігі Иран мен оған байланысты күштердің Ормуз бұғазын жабу және Баб-әл-Мандеб бұғазы аймағындағы белсенділікті арттыру мәселесін қарастырып жатқанын хабарлады.

Ормуз бұғазы – әлемдік мұнай саудасының маңызды бағыттарының бірі. Сондықтан бұл аймақтағы кеме қатынасына төнген кез келген қауіп бағаларға бірден әсер етеді.