InfoHub Logo

Иран Америка Құрама Штаттары, Израиль және олардың одақтастарының кемелері үшін Ормуз бұғазын жылдар бойы жабық ұстай алатынын мәлімдеді. Бұл туралы ирандық шенеунік Press TV арнасына берген сұхбатында айтты.

Бұл туралы Infohub.kz ақпарат агенттігі хабарлайды.

Шенеуніктің айтуынша, Иран бұл жағдайды ұзақ уақытқа дейін сақтай алады. Себебі, АҚШ әскери базалары мен Таяу Шығыстағы гарнизондарды жабдықтау үшін қолданылатын көптеген техника осы су жолы арқылы тасымалданады.

Press TV дереккөзінің түсіндіруінше, егер бұғаздағы қозғалыс бұрыннан реттелгенде, қарсы тараптың аймақтағы логистикалық мүмкіндіктері айтарлықтай төмендеген болар еді.

Ормуз бұғазындағы жағдай

Бұған дейін Al Jazeera телеарнасы Иран Ормуз бұғазына кіруге рұқсат беретін елдерді үш санатқа бөлуі мүмкін екенін хабарлаған болатын. Олар: жауласушы, бейтарап және достық қарым-қатынастағы елдер. Жауласушы мемлекеттерге Ормуз бұғазынан өтуге тыйым салынады. Ал бейтарап елдер үшін арнайы ақы төлеу қажет болады.

АҚШ пен Израильдің Таяу Шығыстағы әскери операцияларынан кейін Ормуз бұғазы арқылы мұнай мен СПГ жеткізу тоқтатылды. Бұл әлем елдерінде жанармай бағасының өсуіне себеп болды.

Қазіргі уақытта бұл теңіз жолымен тек Иранға достық қарым-қатынастағы елдер ғана өте алады. Tasnim агенттігінің мәліметінше, олардың қатарында Ресей, Қытай, Үндістан, Ирак және Пәкістан бар. АҚШ президенті Дональд Трамп кейбір еуропалық және азиялық мемлекеттерді бұл аймаққа кемелер жіберіп, жолды ашуға шақырған, бірақ көпшілігі бас тартты.

Кеше Тегеран араб және азиялық елдердің бұл бұғазды пайдалану ережелерін белгілейтін «Ормуз пактісін» әзірлеуді ұсынды.