InfoHub Logo

Иранның жоғары лауазымды әскери тұлғалары мен басшыларының бірқатары Израиль шабуылдарынан қаза тапқан соң, Ислам революциясы сақшылар корпусының (ИРСК) қолбасшысы Исмаил Кани жалғыз аман қалған басшы ретінде қалды. Алайда, қазіргі таңда ол өзі «Израильдің пайдасына тыңшылық жасады» деген ауыр айыппен тергеуге алынып отыр.

Бұл туралы Infohub.kz ақпарат агенттігі хабарлайды.

Бірнеше рет ажалдан аман қалған

Исмаил Канидің бұған дейін де бірнеше рет Израильдің шабуылдарынан аман қалғаны жағдайлар оның «Израиль агенті болуы мүмкін» деген күдікке ілінуіне себеп болған.

Моссад айыптауларды жоққа шығарды

Израильдің барлау қызметі «Моссад» Исмаил Канидің өздерінің тыңшысы екендігі туралы қауесеттерді жоққа шығарды. Дегенмен, Иран билігі Каниді тергеуді тоқтатпады.

Канидің тұлғасы мен ықпалы

Кани басқарған құрылым соңғы жылдары ықпалын жоғалтқанымен, оның тұлғасы әлі де маңызды болып саналады. Иран басшылығының басқа өкілдері, соның ішінде Ұлттық қауіпсіздік жоғары кеңесінің хатшысы Әли Лариджани мен Иран армиясының қолбасшысы Әмір Хатами АҚШ пен Израильге қарсы айыптауларын ашық айтып жүр. Ал Кани болса, Иранның Жоғарғы көсемі Аятолла Әли Хеменей қайтыс болғаннан бері жұрт алдына мүлде шықпаған.

Бұған дейін Иранның бұрынғы президенті Ахмадинежад Израильмен күресуге арналған құпия жасақтың басшысының Моссад агенті болып шыққанын айтқан болатын. Сондай-ақ, ливандық сарапшы Қасем Румолла Иранда әр салада, тіпті билік эшелондарында да Израильдің тыңшылары бар екенін мәлімдеген.

Қазіргі таңда Иран билігі Каниді жазалап, қамауға алды деген ақпараттар да бар, бірақ бұл ақпараттар әлі нақтыланбаған.