InfoHub Logo

Италияда Қысқы Олимпиада оты жанды

Италияның Милан және Кортина-д'Ампеццо қалаларында XXV қысқы Олимпиада ойындарының ресми ашылу салтанаты өтті. Бұл туралы Infohub.kz ақпарат агенттігі хабарлайды.

Миландағы «Сан-Сиро» стадионында ашылудың басты салтанаты өтті.

Жарысқа әлемнің 93 елінен келген 3 мыңға жуық спортшы қатысады. Спортшылар 8 спорт түрінен 16 жарыс бойынша медальдар сарапқа салады, барлығы 116 медаль жиынтығы.

Қазақстандықтардың қатысуы

Қазақстанның Туризм және спорт министрлігі өз Telegram-арнасында Миланнан түсірілген кадрларды жариялады.

Мерекелік шеруде Қазақстан туын шорт-трек өкілі Денис Никиша және фристайл-могул спортының спортшысы Аяулым Әмренова ұстап шықты.

Олимпиаданың басты ерекшеліктерінің бірі – ашылу салтанатының төрт алаңда бір уақытта өтуі болды. Денис Никиша салтанатқа Миланда қатысты, ал Аяулым Әміренова шаңғы жарыстары өтетін Ливиньо коммунасындағы салтанатқа қатысты, деп хабарлады министрлік.

Олимпиада оты бірден екі жерде – Миландағы Триумф аркасында және Кортина-д'Ампеццо қаласындағы Piazza Dibona алаңында жағылды. Салтанаттың ресми атауы – Armonia («Үйлесім»).

Мәдени сәттер

DW Telegram-арнасының жазуынша, ашылу салтанатында мәдени акценттер көп болды. Мысалы, стадионда Антонио Канованың «Амур мен Психея» мүсінінің сахналық нұсқасы көрсетілді, оған «Ла Скала» театрының балет мектебінің 70-ке жуық бишісі қатысты.

Салтанаттың музыкалық бөлімі әртүрлі жанрларды қамтыды: Вивальди мен Россинидің классикалық музыкасынан қазіргі заманғы итальян эстрадасына дейін. Итальяндық операға ерекше назар аударылды, кульминациясы Пуччинидің «Турандот» операсынан Nessun dorma ариясының орындалуы болды.

Салтанатта сонымен қатар итальяндық тудың түстерінен шабыт алған сән көрсетілімі өтті, онда Armani коллекциясын көрсеткен модельдер болды. Бұл қыркүйек айында 91 жасында қайтыс болған итальяндық дизайнер Джорджо Арманиге деген құрмет.

Милан–Кортина қысқы Олимпиадасы 6-22 ақпан аралығында өтеді.

Қазақстан құрамасынан 36 спортшы (18 ерлер және 18 әйел) 10 спорт түрінен сынға түседі. Қазақстан ұлттық құрамасының қатысуымен барлық жарыстар Qazaqstan, Qazsport, «Хабар» және Jibek Joly телеарналарында тікелей эфирде көрсетіледі.