InfoHub Logo

Соңғы кездері әлеуметтік желіде кең тараған қысқа форматтағы, әртүрлі эмоцияны бейнелейтін видеоларға қатысу сәніне айналды. Алайда, бұл трендке ерген кейбір қазақстандық өнер жұлдыздарының әрекеті жұртшылықтың қызу талқылауына себеп болды.

Бұл туралы Infohub.kz ақпарат агенттігі хабарлайды.

Жұлдыздардың әлеуметтік желідегі әрекеті

Продюсер Гүлзира Айдарбекова, әншілер Меруерт Түсіпбаева мен Мөлдір Мұқан сынды танымал тұлғалар осы трендке сай видеолар түсіріп, өз парақшаларында жариялаған. Бұл видеоларда олар түрлі көңіл күй мен эмоцияны көрсетуге тырысқан.

Қазақстандықтардың пікірі

Алайда, жұлдыздардың бұл әрекеті желі қолданушыларының арасында түрлі пікір туғызды. Кейбіреулер олардың белсенділігін қолдаса, енді бірі мұндай әрекетті орынсыз деп санады. Желіде «Өздеріне жарасса бір жөн», «Ерсі көрінеді екен», «Қуа бермеңдерші», «Жұлдыздарға мұндай трендтер аса жараспайды» деген сияқты пікірлер көптеп айтылды.

Кейбір пайдаланушылар танымал тұлғалардың уақытты үнемдеп, мазмұнды әрі пайдалы контент ұсынуына шақырды.

Осылайша, көңілді видео түсіруді мақсат еткен жұлдыздардың әрекеті желіде қызу талқыланып, әртүрлі көзқарастың қалыптасуына жол ашты.