InfoHub Logo

АҚШ президенті Дональд Трамптың Флоридадағы Мар-а-Лаго резиденциясының аумағына қарумен кіріп, кейін атылып өлген 21 жастағы Остин Такер Мартиннің кім екені анықталды. Бұл туралы Fox News басылымына сілтеме жасап Tengrinews.kz хабарлады.

Бұл туралы Infohub.kz ақпарат агенттігі хабарлайды.

Отбасы хабарсыз кеткенін айтқан

Басылым мәліметінше, оқиғадан бірнеше күн бұрын Мартиннің отбасы оның хабарсыз кеткенін хабарлаған. Журналистердің дерегінше, 2023 жылы оның әпкесі өзіне қол салып қайтыс болған.

Солтүстік Каролинадан Флоридаға

Тергеушілер Мартиннің Солтүстік Каролинадан Флоридаға қарай жол тартқанын және жол бойында мылтық сатып алғанын болжап отыр. Мұндай қорытындыға оның көлігінен табылған қару қорабы негіз болған.

Алдын ала болжам бойынша, жас жігіт резиденция аумағына қақпадан кіріп бара жатқан көліктің соңынан ілесіп өткен.

Трамп сол кезде Ақ үйде болған

Оқиға кезінде Дональд Трамп Ақ үйде болған.

Бұған дейін округ шерифы ер адамды ұстау кезінде қарсылық көрсетіп, мылтықты аудан әкімінің орынбасары мен Құпия қызмет қызметкерлеріне қарай бағыттағанын, содан кейін оған оқ атылғанын хабарлаған еді.