InfoHub Logo

Қазақстандағы жекеменшік мектептер енді мемлекеттен қаржылай қолдауды қалай алатыны белгілі болды. Бұл туралы Білім министрі Жұлдыз Сүлейменова маңызды жаңалықпен бөлісті.

Бұл туралы Infohub.kz ақпарат агенттігі хабарлайды.

Министрдің айтуынша, Білім және Қаржы министрліктерінің бірлескен бұйрығы барлық 20 өңірдегі әкімдіктермен келісіліп, қазіргі уақытта тіркеуден өтіп жатыр.

Қаржылай қолдаудың жолдары

Жұлдыз Сүлейменованың түсіндіруінше, қаражат бастапқыда жергілікті атқарушы органдарға түсетін болғандықтан, әкімдіктер бұл ақшаны Қаржы орталығына аударады. Осы орталық жекеменшік оқу орындары арасында мемлекеттік тапсырысты бөлу операторы қызметін атқарады.

«Құрметті жекеменшік мектептердің құрылтайшылары, педагогтер, ата-аналар және жекеменшік мектептердің өкілдері! Сіздермен жақсы жаңалықпен бөліскім келеді. Жақында жекеменшік мектептерде мемлекеттік тапсырысты орналастыру туралы бірлескен бұйрыққа қол қойылды. ҚР Қаржы және Білім министрлері бірлесіп әзірлеген құжатты барлық 20 өңірдің әкімдіктері қолдады. Бүгіннен бастап жергілікті ведомстволар бұл бұйрықты өздерінде тіркейді. Бұл жергілікті атқарушы органдардың қаражаты болғандықтан, әкімдіктер оны Қаржы орталығына аударады, ол жекеменшік мектептерде мемлекеттік тапсырысты орналастыру бойынша оператор болады», - деді Жұлдыз Сүлейменова.

Ұйымдастыру жұмыстары аяқталды

Министр Білім министрлігінің ұйымдастыру жұмыстарын толық аяқтағанын және бұл саладағы негізгі проблемалық мәселелердің шешілгенін атап өтті. Сондай-ақ, ведомствоның жекеменшік мектептермен болашақ өзара іс-қимылы «Атамекен» кәсіпкерлер палатасы арқылы жүзеге асырылатынын айтты.

«Тағы бір мәселені атап өткім келеді: маған бірнеше жекеменшік мектептер қауымдастығы хабарласады. Бүгін мен олардың бірімен кездесу өткіздім. Жалпы, алдағы уақытта біздің жекеменшік оқу орындарымен қарым-қатынасымызды «Атамекен» Кәсіпкерлер палатасының базасында жүргіземіз», - деп қосты Білім министрлігінің басшысы.

Естеріңізге сала кетейік, бұған дейін Жұлдыз Сүлейменова жекеменшік мектептер қандай бұзушылықтар үшін жабылуы мүмкін екендігі туралы мәлімдеме жасаған болатын.