InfoHub Logo

Арнаулы түзеу мектебінің 3 сыныбында өткен ашық тәрбие сағатының жоспары

Дүниежүзілік балалар күніне арналған тәрбие сағаты
Тақырыбы: «Қайырымдылық – жылы жүректен»
Мақсаты: Балалардың санасына мейірімділік, қайрымдылық ұғымдарын қалыптастыру, баланың мейірімді сөздер айту қабілетін арттыру, кішіпейілдікке, бауырмалдыққа тәрбиелеу. Сара Алпысқызы туралы, ол кісінің адамгершілік қасиеттері арқылы қайырымдылыққа тәрбиелеу
Көрнекіліктер: слайд «Бөбек қоры», слайд «С. А. Назарбаева» суреттер, маскалар, қанатты сөздер
Рөлдерде
Жүрек – Бахыт Халеловна
Балапан - Назымбек
Қоян - Олжас.
Бала - Айдос

Кіріспе:
1. Қане, осы сендер мейірімділік дегенді қалай түсінесіңдер?
Балалар: Қайрымдылық жасау.
- Ата – анасына көмектесу
- Үлкендерді сыйлау.
1 - оқушы.
Күн нұрындай көңілім,
Даламдай кең пейілім.
Жүрегім толы мейірім,
Бәріне ортақ шуағым
Қайырымды баламын.
Өлеңді хормен оқу, талдау.

Мұғалім: Дұрыс, балалар. Қазір мен сендерге « Мазасыз балапан» деген әңгімені айтып беремін.
- Қане, бәріміз отырып мұқият тыңдалық..
Әңгіме / рольге бөлініп ойнайды/
Бір мазасыз балапан өмір сүріпті Бір күні ол анасынан «Мейірімділік деген не?»- деп сұрайды. Сен әлі кішкентайсың өскеннен кейін түсінесің дейді анасы. Бірақ балапан мазасыз еді. Ол мейрімділіктің не екенін білгісі келіп жолға шығады. Жолда келе жатып бір ешкіні кездестіреді. Ол лағының жоғалып кеткенін айтып көмектесуін сұрайды.
«Менде уақыт жоқ»- дейді балапан. Мен мейрімділіктің не екенін білуім керек дейді де ары қарай жүріп кетеді. Алдынан бір бала кездеседі.
Ол ағашқа ілініп қалған шарын ала алмай жүр екен.
«Балапан, маған шарымды алуға көмектесші» - дейді бала.
«Менде уақыт жоқ» - дейді балапан. «Мен мейірімділіктің не екенін білуім керек дейді балапан.
- «Мен білемін маған күнде апам мейірімділік туралы айтады»- дейді бала.
- «Маған да айтшы» - дейді балапан.
- «Бірінші сен шарды алып бер»- деді
Балапан ұшып барып шарды алып береді.
«Мінекей, сен қайрымды іс жасадың. Мейірімділік деген осы»- деді қыз. « Қандай оп - оңай» - деп таңқалды.

Мұғалім: - Міне, осылайша мазасыз балапан мейірімділік не екенін түсінген екен. Әңгіме сендерге ұнады ма?
- Алдымен балапанға кім кездеседі?
- Онан кейін кім кездесті?
- Балапан мейрімділікті қалай түсінді?
Сергіту сәті.
Ал, шеңберді жасайық,
Ортаға келіп тұрайық.
Бәрімізде достарымыз
Бірге ойнап жүретін.

Негізгі бөлім.
Қазақстанда жетім, ата - аналар қамқорлығынсыз, панасыз қалған балаларға арнап «Бөбек» қорын құрған еланасы С. А. Назарбаева. «Бөбек қоры күшімен
«Балалар ауылы» құрылды. Балалар мемлекеттің қамқорлығында.. Жетім балаларды заң қорғайды.
Тағдырдың тас қайрағына ерте түскен әртүрлі балалардың қамқоршысы Сара апай өте мейрімді. Ол кісі еланасы» Алтын жүрек» акциясы мемлекет құрылған бірінші күннен кішкентай балаларға аналық махаббаты мен жүрек жылуын сыйлайды
Слайд «Бөбек қоры» көрсетіледі

Жағдаятты сәт.
Суреттерге қарап жауынның астында қалған күшікке қандай қамқорлық жасау керек?
Шөлдеп тұрған гүлге қандай қамқорлық керек деп ойлайсыңдар?
Қыста құстарға қандай қамқорлық керек?
Жыртылған кітапқа қандай қамқорлық керек?
Мұғалім Балалар, тыңдаңдаршы, біреу жылай ма?
Балалар, бері қараңдар, бұл жылап тұрған жүрек қой.
Мұғалім: Келе ғой кішкене жүрек саған не болды?
Жүрек: Мені қатыгез досым тастап кетті. Мен жалғызбын не істерімді білмеймін?
Мұғалім: Балалар, қандай аянышты жұбатайықшы жүректі.
Балалар жақындап келіп жұбаныш сөздерін айтады.
Балалар: - Жүрек, сен жыламашы.
- Жүрек, сен жыламашы.
- Жүрек, сен жалғыз емессің.
- Жүрек, біз сенімен дос боламыз.
- Жүрек, мен сені жақсы көремін.
Мұғалім: Міне көрдің бе сен мейірімді балаларға кез болдың.
Жүрек: Балалар, сендерге көп рахмет. Мен өте қуаныштымын.
Мұғалім: Балалар, сендердің мейірімділік іс жасадыңдар. Жылаған жүректі жұбата алдыңдар. Менде қуанып сендерге риза болып тұрмын.

Шығармашылық жұмыс:
Мұғалім: Енді балалар, біздер жалғыз емес екенімізді, жүректеріміздің бір екенін білдіре отырып, мына тұрған бір жүректің жанына өзіміздің дайындаған кішкене жүректерімізді қосайық.

Павлодар облысы, Екібастұз қаласы,
№ 19 арнаулы түзеу мектебінің
бастауыш сынып мұғалімі
Жиенбекова Баян Советовна