InfoHub Logo

Мьянмадағы жойқын жер сілкінісі: қаза тапқандар саны 1700-ден асты,-деп хабарлайды  Infohub.kz.

Мьянмада болған 7,7 балдық жер сілкінісінен қаза тапқандар саны 1700-ден асты. Соңғы мәліметтерге сәйкес, 3400 адам жараланып, 300-ден астамы із-түзсіз жоғалған. Сарапшылар құрбандар саны 10 мыңға дейін жетуі мүмкін деген болжам жасап отыр.

Зілзала салдарынан биік ғимараттар мен ғибадат орындары қирап, мыңдаған тұрғын үй бүлінген. Ел билігі төтенше жағдай жариялап, халықаралық қауымдастықтан көмек сұрады.

Аймақтағы жағдай:

• Таиландта да жер сілкінісінің дүмпуі сезіліп, Бангкокта салынып жатқан алып ғимарат құлады.
• Оқиға салдарынан 17 адам қаза тауып, 32 адам жараланды.
• Үйінді астында 83 адам болуы мүмкін, құтқару жұмыстары жалғасып жатыр.

Халықаралық ұйымдар мен үкіметтер апаттан зардап шеккендерге көмектесу үшін бірлесе әрекет етуде.