InfoHub Logo

Норвегиядағы алты жасар бірінші сынып оқушысы Хенрик Рефснес Мёртведт мектеп экскурсиясы кезінде кездейсоқ мыңжылдық викинг қылышын тапты. Бұл жаңалықты немістің Bild басылымы хабарлады.

Бұл туралы Infohub.kz ақпарат агенттігі хабарлайды.

Бала кездейсоқ далада жерден шығып тұрған тот басқан темір затты байқап, оны суырып шығуға бел буады. Кейін белгілі болғандай, бұл ертедегі викингтер дәуіріне жататын, ұзындығы шамамен 1,3 метр болатын бір жүзді қылыш болып шықты.

Тарихи маңызы зор табыс

Табылған зат туралы дереу жергілікті билікке және мамандарға хабарланған. Археологтардың айтуынша, бұл қылыш шамамен 1300 жыл бұрынғы, Меровингтер немесе викингтер дәуірінің ерте кезеңіне жатады.

Мамандар бұл аймақтың археологиялық жағынан өте құнды екенін атап өтті. Бұған дейін де осы маңнан викингтер дәуіріне жататын, шамамен 1000 жыл бұрынғы үш мыңға жуық күміс тиындар табылған болатын. Қылыш табылған жер тиындар табылған орыннан небәрі 170 шақырымдай жерде орналасқан.

Қазіргі таңда қылыш Ослодағы мұражайға жеткізіліп, мамандар оны толықтай зерттеуге кіріскен. Кейін бұл тарихи жәдігер мұражай экспозициясында көпшілікке көрсетіледі деп жоспарлануда.