InfoHub Logo

Петропавлда үйінен шығып, хабар-ошарсыз кеткен зейнеткер суықтан қайтыс болды. Бұл өңірде осы қыста орын алған екінші осындай қайғылы оқиға.

Бұл туралы Infohub.kz ақпарат агенттігі хабарлайды.

Жақындары іздеген

Мәліметтерге сүйенсек, қария 16 ақпанда үйінен шығып кетіп, із-түзсіз жоғалған. Кейбір деректер бойынша, оның жадында проблема болған және бұған дейін де адасып кеткен.

Полиция тергеу жүргізуде

Облыстық полиция департаментінің баспасөз қызметі хабарлағандай, әйелдің денесі айналма жол маңынан табылған. Сараптама қорытындысы бойынша, өлімнің себебі – ағзаның қатты суынуы.

«Іс-шаралар жүргізіліп жатыр, оның барысында оқиғаның барлық мән-жайы анықталады. ҚР ҚПК-нің 201-бабына сәйкес, өзге ақпараттар әзірге жарияланбайды», - деп хабарлады СҚО ПД.

Бұған дейінгі оқиға

Бұған дейін Петропавлда осыған ұқсас жағдайда тағы бір зейнеткер көз жұмған болатын. 14 қаңтарда 75 жастағы қала тұрғыны үйінен бірнеше минуттық жерде орналасқан емханаға бара жатып, қайтып оралмаған. Ертеңіне таңертең учаскелік инспектор оны медициналық мекемеге жақын маңдағы қосалқы ғимараттардың бірінің қоршауынан тапқан. Әйел қатты суық тигізіп, ауыр халде болған. Оны жедел жәрдем бригадасы дереу ауруханаға жеткізгенімен, өмірін құтқару мүмкін болмады.