InfoHub Logo

Стамбулда қазақстандық азаматтың қаза табуына байланысты Қазақстан Сыртқы істер министрлігі ресми мәлімдеме жасады. Бұл оқиға 31 наурызда Стамбулдың Фатих ауданында болған.

Бұл туралы Infohub.kz ақпарат агенттігі хабарлайды.

Қазақстанның Стамбулдағы Бас консулдығы қаза тапқан азаматтың туыстарына қажетті көмек көрсетіп, жағдайды бақылауда ұстап отыр. Түркияның тиісті органдары қажетті тергеу іс-шараларын жүргізуде.

Бұған дейін хабарланғандай, қылмыс жексенбі күні сағат 16:30 шамасында болған. Белгісіз адам Қазақстан азаматы, жеке логистикалық компанияда жұмыс істеген курьер Ариф Исмаиловқа оқ атқан. Ауыр жарақат алған Исмаилов ауруханада қайтыс болды. Полиция күдіктілерді ұстап, олардың Грузия азаматтары екені анықталды. Қылмыстың себептері әзірге белгісіз.