InfoHub Logo

Қазақстанда жұмыс істейтін жастарға арналған жалға берілетін тұрғын үй бағдарламасы 27 наурыздан бастап тоқтатылды. Бұл бағдарлама Астана, Алматы және Шымкент қалаларында жұмыс істеген.

Бұл туралы Infohub.kz ақпарат агенттігі хабарлайды.

Бағдарлама не үшін тоқтатылды?

ҚР Премьер-министрінің орынбасары, Мәдениет және ақпарат министрі Аида Балаеваның айтуынша, 9 қаңтарда Қазақстан Республикасының Құрылыс кодексіне қол қойылды. Сонымен қатар, жастар саясаты саласындағы кейбір тетіктерді реттеуге қатысты нормаларға өзгерістер енгізілді. Осы өзгерістерге сәйкес, 27 наурыздағы бұйрықтың негізінде жұмыс істейтін жастарға арналған жалға берілетін тұрғын үй бағдарламасы тоқтатылуға жатады.

Босатылған тұрғын үй қорын одан әрі пайдалану мәселесі жергілікті атқарушы органдардың құзыретіне жатады және тұрғын үй заңнамасына сәйкес шешіледі.

Қазіргі жалдаушылар не істеуі керек?

Бағдарламаның мақсаты мен нәтижелері

Аида Балаева бағдарламаның Астана, Алматы және Шымкент қалаларында жұмыс істегенін еске салды. Оның мақсаты – жас мамандарға белгілі бір мерзімге қолжетімді тұрғын үй беру болған. Бұл оларға кәсіби деңгейде нығайып, өз үйін сатып алуға бастапқы жарна жинауға мүмкіндік беруді көздеген. Ай сайынғы жалдау ақысы 5 000-нан 15 000 теңге аралығында болған.

Бағдарлама іске асырылған уақыт ішінде 10 мыңнан астам жас қазақстандық қолдау тапты. Бағдарлама шарттары бастапқыда келісімшартпен бекітілген. Әртүрлі кезеңдерде параметрлер нақтыланды, соның ішінде тұрғын үй беру мерзімі өзгерді: келісімшарттар бастапқыда бес жылға жасалса, 2023 жылы мерзім үш жылға дейін қысқартылды. Бұл ретте, тұрғын үйді сатып алу құқығынсыз жалға беру принципі өзгеріссіз қалды.

Мемлекет жастарды қолдауды тоқтатпай, жаңа, тұрақтырақ құралдар ұсынып отыр. «Отбасы банкімен» бірлесіп, 17 өңірде жеңілдікті ипотекалық бағдарламалар іске қосылды. Оның аясында шамамен 12 мың жас маман баспаналы болды. Олардың 1600-ден астамы – бұрынғы жалға берілетін тұрғын үй бағдарламасының қатысушылары.

Сондай-ақ, жас азаматтар «Отау», «Наурыз», «Наурыз Жұмыскер» республикалық бағдарламалары арқылы тұрғын үй сатып алуда. Бүгінгі таңда мақұлданған өтінімдердің 62%-ы 35 жасқа дейінгі азаматтарға тиесілі. Барлық сұрақтар бойынша әкімдіктер мен «Отбасы банкінде» кеңес алуға болады. Ипотекалық бағдарламаларға қатысу мүмкіндіктерін алдын ала бағалау маңызды. Жастардың тұрғын үй мәселесін шешуге нақты, ашық және тұрақты мүмкіндіктері болуы үшін жұмысты жалғастырамыз.