InfoHub Logo

Қырғызстан саясатында елеңдеткен жаңалық: елдің Ұлттық қауіпсіздік комитетінің бұрынғы басшысы Қамшыбек Тәшиевтің қызметінен кетуіне не себеп болғаны туралы депутат Эльвира Сурабалдиева мәлімдеме жасады. Бұл жайт елдегі саяси ахуалға қатысты елеулі пікірталас тудыруда.

Бұл туралы Infohub.kz ақпарат агенттігі хабарлайды.

Төңкеріс жасау әрекеті ме?

Сурабалдиеваның айтуынша, Тәшиевтің қызметінен кетуіне мемлекеттік төңкеріс ұйымдастыру әрекеті себеп болуы мүмкін. Депутат бұл жайттардың ұзақ уақыт бойы дайындалғанын алға тартты. Қазіргі таңда бұл іске қатысты тергеу амалдары жүріп жатыр. Күдікке ілінген бірқатар тұлғалар ұсталып, тергеуге алынған.

Президенттің кешірімділігі

Депутат Тәшиевтің бостандықта жүруін президенттің кеңпейілділігімен байланыстырды. «Президент өте кешірімді адам. Мүмкін, Тәшиевті аяйтын шығар, себебі олар бұрыннан дос. Нақтысын білмеймін, бірақ президент үшін бұл ауыр жағдай, өйткені жақын досы оны қызметінен тайдыруға әрекет жасаған», - деді Сурабалдиева.