InfoHub Logo

Атырауда төрт адамның өліміне кінәлі деп танылған 29 жастағы Сұлтан Сәрсемәлиев сотта өзінің нұсқасын баяндады. Ол қылмыстың себебін отбасылық жанжал мен психологиялық қысым деп атады.

Бұл туралы Infohub.kz ақпарат агенттігі хабарлайды.

Сәрсемәлиевтің айтуынша, жанжал әйелінің туыстарының араласуынан басталған. Ол 10 жыл бірге тұрған әйелімен арадағы қарым-қатынасқа олардың тым көп араласқанын айтты.

«Балаларымды пайдаланып, шантаж жасады»

«Егер арамызда ауыр келіспеушіліктер болса, бес баламыз болмас еді, 10 жыл бірге тұрмас едік. Алайда, әйелімнің отбасы біздің қарым-қатынасымызға тым көп араласып, менің әйелім екеуміздің арамызға іріткі салды», - деді сотталушы.

Ол әйелінің туыстарының балаларына қатысты айтқан сөздері арқылы шантаж жасағанын айтып өтті. «Олар балалардың ешқашан менімен де, ата-анамызбен де болмайтынын айтты. Мені осылайша, балаларымды пайдаланып, шантаж жасады», - деді Сәрсемәлиев.

«Өзімді моральдық және психологиялық тұрғыдан әлсіз сезіндім»

Сотталушының айтуынша, жиналып қалған жағдайлар оны қатты эмоционалдық және психологиялық күйзеліске ұшыратқан. «Мен балаларымның анасынан, әкесінен, әжесінен айырылғанын қаламадым... Алайда, отбасымды сақтап қалу үшін жасаған барлық әрекеттерім нәтижесіз аяқталды. Олардың әрекеттері мен сөздері мені өз-өзімді басқара алмайтын күйге жеткізіп, моральдық және психологиялық тұрғыдан әлсіз етті. Осыдан кейін мен бұл қылмысты жасадым», - деп мәлімдеді айыпталушы.

Қазақстанда 2003 жылдан бері өлім жазасына мораторий жарияланған. 2021 жылдың қаңтарында Қазақстан ресми түрде өлім жазасынан бас тартты. 2022 жылғы 5 маусымдағы референдумда Конституцияға түзету енгізіліп, Қазақстан Республикасында өлім жазасын қолдануға тыйым салынды. Енді сотталғандар үшін ең ауыр жаза – өмір бойына бас бостандығынан айыру.

Айыптаулар

Сұлтан Сәрсемәлиев Қылмыстық кодекстің үш бабы бойынша айыпталуда:

Прокуратураның мәліметінше, ұрлық және алаяқтық фактілері қайтыс болғандардың жеке заттарын ұрлаумен және олардың малдарын заңсыз сатумен байланысты.

Бұған дейін Атырау облыстық прокуратурасы Сұлтан Сәрсемәлиевтің психологиялық-психиатриялық сараптама қорытындысы бойынша толықтай есі дұрыс деп танылғанын хабарлаған болатын. Бұл оның заңда көзделген жауапкершілікті толық көлемінде өтейтінін білдіреді.

Айыптауларға сәйкес, оған өмір бойына бас бостандығынан айыру жазасы кесілуі мүмкін.