InfoHub Logo

Тамара Асар қасиетті Мекке қаласына жасаған сапары барысында күйеуіне қолдау көрсету парызы екенін айтты. Бұл сапар оның жүрегіне ерекше әсер қалдырды.

Бұл туралы Infohub.kz ақпарат агенттігі хабарлайды.

Меккедегі әсерлі сәттер

Тамара Асар қасиетті Мекке қаласына жасаған сапары барысында әлеуметтік желіде әсерлі сәттерімен бөлісті. Ол Умра ниетімен Қағбаға жақындау сәтіндегі сезімдерін, әкесіне деген сағынышын ашық жазды.

Әншінің айтуынша, Меккеге ең жақын миқаттардың бірі – Айша ана мешіті. Ол бұл орынның тарихына тоқталып, Айша анамыздың умраға ниет еткеніне байланысты аталатынын еске салды.

Әкесінің қолдау сөзі

Тамара Қағбаға жақындау оңай болмайтынын ойлағанын, бірақ сол сәтте әкесінің сөзі жүрегіне медеу болғанын айтты. Ол намаз оқуға ниет етіп, бала күніндегі естелікті есіне алды.

«9-сыныпта жүргенде әкем өз қолымен дәптерге намаз оқу тәртібімен маңызды сүрелер жазған дәптерін аштым», – деп жазды ол.

Күйеуіне қолдау көрсету

Тамара Асар күйеуінің қайғысы туралы да жаза кетті. «Қасиетті Қағбаға басымды тигізіп тұрып, тіліме үйірілген жандардың аттарын қайталап дұға жасай бердім. Көзімнен ыстық жас тоқтамады. Тас түскен жеріне ауыр, бауыр еті баланы жоғалту жүрекке түскен ауыр тас ешқашан ерімес. Бірақ жүректі жылыта беру жақындарының парызы шығар. Мен қолымнан келгенше, денсаулығым жетсе, жүрегінің жылытушысы болайын, бапасы…», – деп жазды ол.