InfoHub Logo

Таяу Шығыстағы шиеленіс пен АҚШ-тың Иранға қатысты саясатындағы өзгерістер Қазақстанның валюта нарығына әсерін тигізді. 8 сәуірде еліміздің айырбас пункттерінде доллар бағамы күрт көтерілді.

Бұл туралы Infohub.kz ақпарат агенттігі хабарлайды.

АҚШ долларының теңгеге шаққандағы бағамы 8 сәуірде

Астана уақытымен сағат 11:00-дегі мәлімет бойынша, Астанадағы айырбас пункттерінде долларды орташа есеппен 475 теңгеден сатуда, ал 468 теңгеден сатып алуда. Алматыда американдық валютаны сату бағамы 476 теңге болса, сатып алу бағамы орташа есеппен 473 теңгені құрады.

Бұған дейін, 7 сәуірде Қазақстан қор биржасындағы (KASE) күндізгі сауда қорытындысы бойынша доллардың орташа сараланған бағамы 460,37 теңге болған еді. Бұл көрсеткіш 4,88 теңгеге төмендеген.

Сол күні Астанадағы айырбас пункттерінде доллардың орташа сату бағасы 463,96 теңге, сатып алу бағасы 456,96 теңге болды. Алматыдағы айырбас пункттерінде доллардың орташа сату бағамы 464,33 теңге, сатып алу бағамы 461,73 теңге болды.

8 сәуірге арналған ресми доллар бағамы

Ұлттық банктің 8 сәуірге белгілеген ресми бағамы – 460,37 теңге.

АҚШ пен Иран арасындағы бітімге келуге байланысты мұнай бағасы төмендеді

Естеріңізге сала кетейік, бұған дейін АҚШ президенті Дональд Трамп Иранға соққы жасауды екі аптаға тоқтата тұруға келіскенін мәлімдеген болатын. АҚШ басшысының айтуынша, бұл екіжақты біржақты атысты тоқтату болады. Ақ үй өкілі Вашингтон Тегераннан 10 тармақтан тұратын ұсыныс алғанын және оны келіссөздер үшін «жұмыс негізі» ретінде қарастыратынын түсіндірді.

Иран тарапынан да екі апталық бітім уақытында Ормуз бұғазын ашуға дайын екендіктері туралы мәлімдеме жасалды.

Осы хабарламалардан кейін мұнай бағасы күрт құлдырады. Мәселен, 7 сәуірде Brent маркалы мұнайдың бағасы барреліне 107-110 доллар аралығында тербелсе, түн ортасынан кейін ол күрт төмендеп, 93 долларға жуықтап қалды. Қазіргі уақытта ICE лондондық биржасында Brent маркалы мұнайдың маусымдық фьючерстері барреліне шамамен 94 доллар деңгейінде саудалануда.

WTI маркалы мұнайдың бағасы 14 пайыздан астамға арзандап, барреліне 95 долларға дейін төмендеді.