InfoHub Logo

Сот отырысында Шерзаттың анасы ұлының қазасы туралы айтып берді. Оның сөзінше, оқиға кезінде Шерзат: "Мам, мына жағымды көрші бірдеңе тықты", – деген. Анасы ұлының сол жағына пышақ сұғылғанын көрген.

– Сол сәтте Нұрқиястың қолында мылтық болды. Олар әуелі Нұрқанатты ұрып, кейін Шерзатқа келді. Нұрқияс мылтықпен бір ұрғанда, қолымды тосқан едім – мылтық менің қолыма тиді. Сол кезде ол маған "Тыныш тұр, әйтпесе сені де өлтіремін", – деп айтты, – дейді марқұмның анасы.

Бишембаеваның айтуынша, сотталушылар Шерзаттың аузынан қан шығып жатқанына қарамастан оны басынан пышақпен ұрып, тепкілеген.