InfoHub Logo

Мәжіліс депутаты Қайрат Балабиев елдегі зейнеткерлердің қаржылық жағдайын жақсарту мақсатында бірнеше маңызды ұсыныс жасады. Оның айтуынша, зейнеткерлердің қарыздарын кешіру, сондай-ақ зейнетақы төлемдерін кіріс көзі ретінде есептемеу мәселесі қарастырылуы керек.Бұл туралы Infohub.kz тілшісі хабарлайды.

Ұсыныстың негізгі бағыттары:

• Зейнеткерлердің берешегін кешіру және оларды банкрот деп тану процесін жеңілдету;
• Әділет органдарына қарызы бар зейнеткерлердің зейнетақы есепшоттарын бұғаттаудан босату;
• Екінші деңгейлі банктер мен «Қазпошта» мекемесінде зейнеткерлер үшін әлеуметтік қорғалған есепшоттарды жаппай ашу.

Зейнеткерлер үшін қандай өзгерістер болуы мүмкін?

Егер ұсыныстар қабылданса, зейнеткерлердің несиелік жүктемесі азайып, қаржылық тұрақтылық артады. Сонымен қатар, зейнетақы төлемдері қорғалған кіріс көзіне айналып, әлеуметтік теңсіздік деңгейі төмендеуі мүмкін.