x.com/ZelenskyyUa
Зеленский Украина мен Ресей арасындағы келіссөздерде позициясын өзгертуі мүмкін екенін мәлімдеді
Украина президенті Владимир Зеленский Ресеймен бейбіт келіссөздердегі ұстанымдарды қайта қарастыру мүмкіндігі туралы айтты. Бұл туралы ол НАТО бас хатшысы Марк Рюттемен кездесуінен кейін мәлімдеді.
Мемлекет басшысының айтуынша, олар дипломатиялық жұмыстың барлық негізгі аспектілерін талқылаған. Кездесуде көптеген бағыттар бойынша ұстанымдарының ұқсастығына ризашылығын білдірген.
«АҚШ пен Ресейдің қатысуымен өтетін келесі үшжақты форматқа дайындық туралы, сондай-ақ тараптардың позицияларындағы ықтимал өзгерістер туралы білгендерімді хабарладым», - деді Зеленский, бірақ егжей-тегжейін ашпады.
Президент сондай-ақ энергетика саласындағы жағдайды және АҚШ пен оның одақтастарының Киевке американдық қорлардан қару-жарақ жеткізу үшін әзірлеген PURL бастамасы аясында жұмысты жалғастыру қажеттігін талқылағанын атап өтті.
«PURL арқылы біздің қорғанысымызға инвестиция салған әрбір еуропалық елге алғыс айтамын», - деді Украина басшысы.
Айта кетейік, 18 ақпанда Женевада Украина, Ресей және АҚШ арасында келіссөздердің үшінші раунды өтті. Сол кездесуде атысты тоқтату режимін сақтауды бақылау АҚШ-тың қатысуымен жүзеге асырылатыны туралы келісімге қол жеткізілген болатын.
-
Алматы ауданының бұрынғы әкімі Бағдат Манзоров Конаев қаласында 18 миллиард теңгеге гольф-клуб құрылысын бастады. Бұған дейін ол пара алды деген күдікпен тергелген болатын.
-
Ukrainian President Volodymyr Zelensky has indicated a potential willingness to reconsider Ukraine's negotiating position with Russia, following a meeting with NATO Secretary General.
