InfoHub Logo

استانا. ۇكىمەت وتىرىسىندا عىلىم جانە جوعارى ءبىلىم ۆيسە-مينيسترى تالعات ەشەنقۇلوۆ بيىلعى وقۋ جىلىنا بولىنگەن گرانتتار مەن شاكىرتاقى مولشەرىنە قاتىستى مالىمەت بەردى. ونىڭ ايتۋىنشا، 2024-2025 وقۋ جىلىندا 93 116 گرانت بولىنگەن. ونىڭ ىشىندە 77 084 – باكالاۆرياتقا، 13 113 – ماگيستراتۋراعا، 2 919 – دوكتورانتۋراعا تيەسىلى.

سونىمەن قاتار، 1 قىركۇيەكتەن باستاپ شاكىرتاقى كولەمى ارتاتىنى حابارلاندى. جاڭا مولشەر بويىنشا:

• باكالاۆريات – 52 372 تەڭگە،
• ماگيستراتۋرا – 117 098 تەڭگە،
• دوكتورانتۋرا – 262 500 تەڭگە.

– بۇل ساندار 2020 جىلمەن سالىستىرعاندا ەداۋىر جوعارى. اتاپ ايتقاندا، باكالاۆر شاكىرتاقىسى ەكى ەسەگە، ال ماگيستراتۋرا مەن دوكتورانتۋرادا 1،75 ەسەگە كوبەيىپ وتىر، – دەدى ۆيسە-مينيستر.

سونداي-اق جاتاقحاناداعى ورىن تاپشىلىعىنىڭ ازايعانى ايتىلدى. ەگەر 2019 جىلى 82 500 ستۋدەنت جاتاقحاناعا ءزارۋ بولسا، بيىل بۇل كورسەتكىش 14 873 ورىنعا دەيىن قىسقارعان.