11 - سىنىپقا ارنالعان پسيحولوگيالىق ترەنينگ - ساباق
قاتىسۋشىلار: 11 - سىنىپ وقۋشىلارى
ترەنينگ - ساباقتىڭ ماقساتى: ۇبت تاپسىرۋشى 11 - سىنىپ وقۋشىلارىنىڭ بويىنداعى سترەستىك قالىپتان ارىلتۋ، سەنىمدى مىنەز - ق ۇلىق دامىتۋ.

1 - جاتتىعۋ.
ماقساتى: پسيحولوگيالىق قىسىمنان ارىلتۋ.
بارلىق وقۋشىلار شەڭبەر بويىنا تۇرىپ، كوزدەرىمىزدى جۇمامىز، ءوز تۇيسىگىڭىزبەن، ويىمىزبەن ىشتەي ءبىر - بىرلەرىڭە، ءار قاتىسۋشىعا سالەم جولدايمىز. ەندى كوزىمىزدى اشىپ، بارلىعىمىزبەن قول الىسىپ شىعامىز. اركىم ءوز ەسىمىن ايتىپ، وزىنە مىنەزدەمە بەرەدى. وزىنە بەرگەن مىنەزدەمەسى تەست تاپسىرعاندا نەمەسە ەمتيحاندا وزىنە قولداۋ كورسەتەتىندەي بولۋى كەرەك.

2 - جاتتىعۋ. «وقۋدا كەزدەسەتىن كەدەرگىلەردى جەڭۋ»
ماقساتى: وقۋدا كەزدەسەتىن كەدەرگىلەردى جەڭۋ جانە كەدەرگىدەن شىعۋ جولدارى.
قاتىسۋشىلار قولدارىن تەسەسىنىڭ ۇستىنە قويىپ، ىڭعايلانىپ وتىرادى. (باياۋ اۋەن ويناپ تۇرادى) وقۋشىلار كوزدەرىن جۇمىپ، 3 رەت تەرەڭ دەم الىپ، دەمىمىزدى سىرتقا شىعارىپ، دەنەمىزدى بوس ۇستايمىز.
كوز الدىمىزعا ەلەستەتەمىز، سەندەر ءبىر كىسىلىك جولمەن قالىڭ نۋ ورماندا كەلە جاتىپ، قانداي دا ءبىر كەدەرگىگە تاپ بولدىڭدار. ول كەدەرگىنى جان دۇنيەڭمەن سەزىنۋىڭ كەرەك، ول كەدەرگى قانداي، نە نارسە؟ سەندەرگە كەدەرگى جاساپ تۇرعان نە؟ مۇقيات قاراپ، جاقىنىراق تانىسۋعا، بىلۋگە تىرىسىڭدار. ەندى مۇقيات قاراپ بولساڭدار وسىدان وتۋگە سەندەردە 1 - اق مينۋت ۋاقىت بار.

كەدەرگىدەن ءوتىپ بولساق، جان - جاعىمىزعا مۇقيات قاراپ شىعامىز. وسى كەدەرگىدەن شىعۋ كازىرگى جاعدايلارىڭا قانداي كومەك نەمەسە قولداۋ بەردى. ءوز ىستەرىڭدى مۇقيات تۇسىنۋگە تىرىسىڭدار، ناقتى نە ساعان كەرەك، ناقتى نە ساعان كومەكتەسە الادى؟ ءوز ءىس - ارەكەتتەرىڭدى باقىلاڭدار، ەستەرىڭە ساقتاڭدار. كەدەرگىدەن قالاي وتكەندەرىڭدى ەستەرىڭە ساقتاپ، جاڭا ءبىر قاداممەن، قۇلشىنىسپەن، جاڭادان ءبىر تاجىريبەمەن ارتقا قايتۋلارىڭا بولادى.

رەفلەكسيا: قانداي اسەر العاندارىڭمەن شەڭبەر بويى ايتىپ شىعىڭدار. قانداي كەدەرگىگە تاپ بولدىڭدار، ول نە نارسە، ونى قالاي جەڭدىڭ؟ قولىڭدا قانداي دا ءبىر زات بولدى ما؟ نەمەن شىقتىڭ؟

3 - جاتتىعۋ. «پوەزد» جاتتىعۋى.
ماقساتى: وقۋشىلاردى سەرگىتۋ، كوڭىل - كۇيلەرىن كوتەرۋ.
شەڭبەر بويىمەن 1، 2 - گە سانالامىز. 1نومىرلەر - 1 شاپالاق، 2 اياقپەن توپىلداتادى. 2 نومىردەگىلەر - 2 شاپالاق، 1 اياقپەن توپىلداتادى. پوەزدىڭ ءجۇرىسى، دىبىسىن شىعارعانعا دەيىن جاتتىعۋدى جاسايدى.

پسيحولوگ: - ادامنىڭ ءوز - وزىنە، وزگەلەرگە سەنىم ءبىلدىرۋى ونىڭ ومىرگە دەگەن ءۇمىتى مەن قىزىعۋشىلىعىن ارتتىرادى. وزىنە - ءوزى سەنۋ ادامنىڭ ءوز قۇندىلىعىن ءتۇسىنىپ، ماقسات - مۇددەسىنە جەتۋىنە كومەكتەسەدى. اينالاداعى ادامداردىڭ سەنىم ءبىلدىرۋى ادامنىڭ جاۋاپكەرشىلىگىن ارتتىرىپ، ءوز مۇمكىندىكتەرىنە مەن قابىلەتتەرىن اشۋعا ىقپال ەتەدى.