2026 جىلدىڭ سوڭىنا دەيىن قازاقستاندا رەنوۆاسيا باعدارلاماسى بويىنشا 224 كوپپاتەرلى ءۇي سۇرىلەدى. تۇرعىندارعا جاڭا باسپانا نەمەسە اقشالاي وتەماقى بەرىلەدى، دەپ حابارلايدى infohub.kz.
ونەركاسىپ جانە قۇرىلىس مينيسترلىگىنىڭ حابارلاۋىنشا، باعدارلاماعا قاتىسۋعا نيەت بىلدىرگەن ينۆەستورلار ەلىمىزدىڭ بارلىق وڭىرىندە بار. الايدا جامبىل وبلىسى ازىرگە ەرەكشەلىك – وندا مۇددەلى قۇرىلىس سالۋشى ءالى تابىلماعان.
جۇمىستى باستاۋ ءۇشىن بيلىكتىڭ ءبىر عانا شەشىمى جەتكىلىكسىز. قۇرىلىس سالۋشى ءۇيدى سۇرۋگە جانە جاڭاسىن سالۋعا بارلىق پاتەر يەلەرىنىڭ كەلىسىمىن العاننان كەيىن عانا كىرىسە الادى.
«ەگەر ءبىر عانا تۇرعىن قالسا دا، ونىڭ كەلىسىمى قاجەت. ءبىر پاتەردە بىرنەشە ادام تىركەلگەن بولسا، سول تۇرعىن ۇيدە ۇلەسى بارلاردىڭ بارلىعىنىڭ كەلىسىمى مىندەتتى»، — دەدى قازاقستان رەسپۋبليكاسى ونەركاسىپ جانە قۇرىلىس مينيسترلىگى قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتى ءتوراعاسىنىڭ ورىنباسارى قانات مىڭبايەۆ.
سونداي-اق ول ءۇيدىڭ ادام ومىرىنە ءقاۋىپ توندىرەتىن جاعدايلاردا عانا ەرەكشەلىك جاسالۋى مۇمكىن ەكەنىن ءتۇسىندىردى. «سوت ارقىلى شىعارۋعا كەلسەك – ەگەر تۇرعىن ءۇي ادام ومىرىنە ءقاۋىپ توندىرسە، بۇل جاعدايدا سوت شىعارۋ تۋرالى شەشىم شىعارادى»، — دەپ اتاپ ءوتتى قانات مىڭبايەۆ.