InfoHub Logo

25 مامىر - مەكتەپ ءبىتىرۋشى تۇلەككە قۇتتىقتاۋ تىلەك | 11 سىنىپ، 9 سىنىپ - سوڭعى قوڭىراۋ

قۇرمەتتى مەكتەپ ءبىتىرۋشى تۇلەك!

ءسىز ءۇشىن بۇل كۇن ەرەكشە ءارى ماڭىزدى. بۇگىنگى كۇنى ءسىز ءوزىڭىزدىڭ مەكتەپتەن ۇشقالى تۇرسىز. العاشقى قادامدارىڭىزدى جاساعان، ءبىلىم مەن تاربيە جيناعان مەكەنىڭىزدەن ۇشىپ كەتۋدىڭ ۋاقىتى كەلدى. بىرنەشە جىل بۇرىن مەكتەپ تابالدىرىعىن اتتاپ، العاشقى ۇستازىڭىزبەن جۇزدەسكەن ساتتەن باستاپ، ءسىزدىڭ ءبىلىم جولىڭىز باستالدى. بۇگىن وسى مەكتەپتەن جيناعان ءبىلىم مەن تاربيەنىڭ ارقاسىندا ۇلكەن ومىرگە قادام باسقالى تۇرسىز.

مەكتەپ سىزگە ءبىلىم بەرىپ قانا قويماي، ءسىزدى تاربيەلەپ، ومىرلىك جولداما بەردى. ۇستازدارىڭىزدىڭ بارلىعى ءسىزدىڭ بۇگىنگى جەتىستىكتەرىڭىزگە قۋانىپ، بولاشاقتا دا بيىكتەردەن كورىنەتىنىڭىزگە سەنىمدى. اباي اتامىز ايتقانداي، "بەس نارسەگە اسىق، بەس نارسەدەن قاشىق بولىڭىز." بۇگىنگى سوڭعى قوڭىراۋ ءسىزدىڭ بالالىق شاعىڭىزدىڭ ارتتا قالىپ، جاڭا جاۋاپكەرشىلىكتەرگە تولى ومىرگە قادام باسۋىڭىزدى بىلدىرەدى. الدا ءسىزدى ءبىلىم مەن بىلىك، باتىلدىق تابىستىرادى دەپ سەنەمىز.

قۇرمەتتى ۇستازدار، اتا-انالار جانە تۇلەكتەر!

سوڭعى قوڭىراۋ مەرەكەسى – ۇستازدار مەن وقۋشىلار ءۇشىن ەرەكشە كۇن. بۇل كۇن مەكتەپ ءبىتىرۋشى تۇلەكتەر ءۇشىن ماڭىزدى ءسات. قاراپايىم عانا ەستiلەر سوڭعى قوڭىراۋدىڭ ۇنىندە قانشاما ماعىنا جاتىر. بۇل كۇن بالا شاكىرتتىڭ دانالىق ۇياسىنان جەز قوڭىراۋ ءۇنىن سوڭعى رەت ەستۋ ءساتى. بۇل وقيعا شاكىرتتىك ومىرمەن قوشتاسىپ، ازاماتتىق جولعا قادام باسۋ كەزەڭى.

11 سىنىپ تۇلەكتەرىنە قۇتتىقتاۋ

تارىداي بوپ كىردىڭدەر مەكتەپكە بۇل، تاۋداي بوپ ۇشىپ سەندەر باراسىڭدار. قاناتتارىڭ تالماسىن جاس تۇلەكتەر، اللا قولداپ ماماندىق الاسىڭدار.

ارماندارىڭ اسقاقتاپ، ماقساتقا جەت، جاس تۇلەكتەر ابىرويلى جاقسى اتقا جەت. ۇشقىر بولسىن ويلارىڭ، بيىك سامعا، كوكتەمدەيىن قۇلپىرىپ، كوڭىل گۇلدەپ.

ماقساتىڭا ۇمتىلعىن، تەك قانا العا، وقۋشى ءومىر سەندەرگە قول بۇلعايدى. بالالىق شاق ارتتا قالدى جاس تۇلەكتەر، ەستەلىك قىپ مەكتەپتەگى بارلىق جايدى.

9 سىنىپ مەكتەپ ءبىتىرىپ جاتقاندارعا قۇتتىقتاۋ

توعىزىنشى سىنىپتى بىتىرگەندەر، ارماندارىڭ اسقاق بوپ بيىك سامعا. اسۋلاردى باعىندىرىپ، بەلەستەردى، العا ۇمتىل، بيىكتە، ارتتا قالما!

ءاربىر كۇندى باعالاپ، ارمانعا جەت، ارايلى دا شۋاقتى تاڭدارعا جەت. ءومىردىڭ قانشا سىناعى بولسا-داعى، جەڭىپ شىققىن قاشاندا سەن كۇلىمدەپ.

بار جاقسىسىن ارناي بەرسىن بال ءومىرىڭ، ساتتىلىكتە جالعاسىپ بار ءومىرىڭ. باق-بەرەكە، قۋانىشىن ارناي بەرسىن، ەسىك اشىپ، قادام باسقان جاڭا ءومىرىڭ.

مەكتەپ ءبىتىرۋشى قۇربىلارعا قۇتتىقتاۋ

قىمباتتى مەنىڭ مەكتەپ ءبىتىرۋشى قۇربى-قۇرداستارىم!

ءبىز ءۇشىن قوڭىراۋدىڭ سيقىرلى دا سازدى اۋەنى سوڭعى رەت ءان سالماق. بۇل ءان بارلىعىمىزدى ءومىر دەپ اتالاتىن ۇلكەن جولعا شىعارىپ سالماق. بىزگە ءبىلىم بەرىپ، تاربيە بەرگەن اياۋلى ۇستازدارىمىز بەن مەكتەبىمىز ىشتەي تىلەكتەستىك ءبىلدىرىپ، ءسات-ساپار تىلەپ قالار. قۇرمەتتى دوستار، سىزدەرگە الداعى ومىرلەرىڭىزدە تەك ساتتىلىك تىلەيمىن. تاعدىرلارىڭىز جۇلدىزدى بولىپ، ارماندارىڭىز ورىندالسىن.

مەكتەپتەن ۇشقان تۇلەكتەرگە قۇتتىقتاۋ

مەكتەپتەن ۇشقان تۇلەكتەر، وڭدى بولسىن قادامىڭ. جاڭا ءومىر شاتتىق اكەلىپ، ورىندالسىن ارمانىڭ.

شارشاماعىن، تالماعىن، بيىككە ورلە، سامعاعىن. وقۋشىلىق ءومىردى، ستۋدەنتكە جالعاعىن.

مىقتى مامان اتانىپ، جاس تۇلەك تامىر جايا ءتۇس. ابىرويىڭ اسقاق بوپ، ومىردەن باقىت تابا ءتۇس.

ءقادىرلى ۇستازدارىمىز! سىزدەردىڭ بەرگەن تاربيە مەن تالىمدەرىڭىزدى ءارقاشان ۇمىتپايمىز. مەكتەپتەن ۇشقان ساتتە دە، اياۋلى مەكتەبىمىزدىڭ اتىنا كىر كەلتىرمەي، ار-ۇجدانىمىزدى بيىك ۇستاپ جۇرەمىز. ءبىز سىزدەرگە مىقتى دەنساۋلىق، وتباسىلارىڭىزعا باقىت، ەڭبەكتەرىڭىزگە جەمىس تىلەيمىز. شاكىرتتەرىڭىزدىڭ ىستىق ىقىلاسىنا بولەنە بەرىڭىزدەر! مەرەكە مەرەكەگە ۇلاسسىن!

قۇرمەتتى جاس تۇلەك!

ءسىزدىڭ بۇگىنگى ءومىر ايدىنىنا اتتانعالى تۇرعان مەرەكەلى كۇنىڭىز قۇتتى بولسىن! سىزگە مىقتى دەنساۋلىق، ءساتتى ساپار، مەرەيلى ماقسات تىلەيمىز. اسپانىڭىز اشىق بولسىن! مەكتەپ اكىمشىلىگى جانە مەكتەپ ۇجىمى.

كوبىرەك تىلەكتەردى وقىڭىز: