الماتى قالاسى ءبىلىم باسقارماسى از قامتىلعان وتباسىلارعا بالالاردى مەكتەپكە دايىنداۋعا بەرىلەتىن كومەك كولەمىنە تۇسىنىكتەمە بەردى. بيىل كومەك كولەمى 60 مىڭ تەڭگەنى قۇرايدى، دەپ حابارلايدى infohub.kz سايتى.
الماتى قالاسى ءبىلىم باسقارماسىنىڭ باسشىسى ساكەن ارالبايەۆ رسك-دا وتكەن بريفينگتە مەكتەپ ماۋسىمىنا قارجىلاي كومەك كورسەتۋگە الماتىدا 460 ملن تەڭگە بولىنگەنىن ايتتى. كومەك 7669 جەتىم بالانى، از قامتىلعان وتباسىلار مەن ااك الاتىن وتباسىلاردىڭ بالالارىن قامتيدى.
«بيىل الماتىدا تولەم مولشەرى ءبىر بالاعا 60 مىڭ تەڭگەنى قۇرايدى. اتا-انالار نىسان مەن كەڭسە تاۋارلارىن وزدەرى تاڭداي الۋى ءۇشىن قاراجات تىكەلەي اتا-انالاردىڭ كارتا شوتتارىنا اۋدارىلادى»، — دەپ اتاپ ءوتتى باسقارما باسشىسى.
ول سونداي-اق بۇل سومانىڭ وقۋشىنى جيناۋعا جەتكىلىكتى ەكەنىن ايتتى. «ءبىز كوستيۋمدى، سپورتتىق كوستيۋمدى، ريۋكزاكتى، كەڭسە تاۋارلارىن جانە ت.ب. ەسەپتەدىك. مەنىڭ ويىمشا، 60 مىڭ تەڭگە وقۋشىنى جاڭا وقۋ جىلىنا دايىنداۋعا جەتەدى. ەگەر از قامتىلعان وتباسىلارعا جاتاتىن اتا-انالار تاراپىنان قوسىمشا قاجەتتىلىكتەر تۋىنداسا، ءبىز اۋداندىق اكىمدىكتەرمەن بىرلەسىپ، «مەكتەپكە جول» اكسياسى اياسىندا قوسىمشا كومەك كورسەتۋگە دايىنبىز»، — دەدى ساكەن ارالبايەۆ.
سونىمەن قاتار، سپيكەردىڭ ايتۋىنشا، رەسپۋبليكالىق «مەكتەپكە جول» قايىرىمدىلىق اكسياسى اياسىندا اۋداندىق اكىمدىكتەردىڭ دەمەۋشىلىك قاراجاتى ەسەبىنەن 8660 بالانى قاجەتتى مەكتەپ كەرەك-جاراقتارىمەن قامتاماسىز ەتۋ جوسپارلانۋدا.
اعىمداعى جىلدىڭ 17 تامىزىنا دەيىن اۋداندىق اكىمدىكتەر ارقىلى از قامتىلعان وتباسىلاردان شىققان 3968 وقۋشىعا 98 ملن تەڭگە سوماسىندا قايىرىمدىلىق كومەك كورسەتىلدى.