اباي وبلىسىندا تاعى ءبىر ەلدى مەكەن رەسمي تۇردە «الكوگولسىز اۋىل» مارتەبەسىن الدى. جارما اۋدانىنداعى ۋكيلي اۋىلىندا تۇراتىن بارلىق 17 وتباسى بۇل باستامانى قولدادى، دەپ حابارلايدى infohub.kz.
ىشكى ىستەر مينيسترلىگىنىڭ اقپاراتتىق مەديا-پورتالىندا ايتىلعانداي، الكوگولدەن باس تارتۋ تۇرعىنداردىڭ سانالى قادامى بولدى، ول قۇقىق بۇزۋشىلىقتاردىڭ الدىن الۋعا جانە قوعامدىق ءتارتىپتى نىعايتۋعا باعىتتالعان. ۋچاسكەلىك ينسپەكتور دارحان بەرىكبولوۆ مۇنداي بىرلىك اۋدانداعى باسقا اۋىلدارعا ۇلگى بولا الاتىنىن اتاپ ءوتتى.
اۋىل تۇرعىندارى ءوز كەزەگىندە بۇل شەشىم ءقاۋىپسىز جانە تىنىش ءومىر ءۇشىن ءبىراۋىزدان قابىلدانعانىن ايتتى. «بىرلىك پەن ءوزارا تۇسىنىستىك بولعان جەردە ءارقاشان ءتارتىپ پەن تۇراقتىلىق بولادى. ءبىز اۋىلىمىزدىڭ بەدەلىن ودان ءارى بىرگە نىعايتىپ، تاڭداعان جولىمىزدان تايمايمىز»، — دەدى ولار.
ىىم-دە «الكوگولسىز اۋىل» باستاماسى ازاماتتار اراسىندا جوعارى سەنىم، جاۋاپكەرشىلىك جانە زاڭعا قۇرمەت دەڭگەيىن كورسەتەتىنىن قوستى. بۇعان دەيىن اتىراۋ وبلىسىندا 57ء-شى ەلدى مەكەن — تومان اۋىلى «سەرگەك» مارتەبەسىن السا، شىعىس-قازاقستان وبلىسىندا «سەرگەك، زاڭعا باعىناتىن اۋىل» جوباسىنا تاعى ءبىر اۋىل قوسىلدى.