چەچەن رەسپۋبليكاسى باسشىسىنىڭ ۇلكەن ۇلى، ۇكىمەت ءتوراعاسىنىڭ ورىنباسارى، دەنە شىنىقتىرۋ جانە سپورت ءمينيسترى احمات قادىروۆ ايماقتىق ەڭ جوعارى ناگرادا — چەچنيا باتىرى اتاعىنا يە بولدى، دەپ حابارلايدى infohub.kz سايتى.
ءتيىستى وكىمدى 7 تامىزدا چەچەن رەسپۋبليكاسى ۇكىمەتىنىڭ ءتوراعاسى ماگومەد داۋدوۆ قول قويدى. ول ءوزىنىڭ Telegram-ارناسىندا جيەنىن جوعارى اتاقپەن قۇتتىقتاپ، بۇل قۇرمەتتى ناگرادا احمات قادىروۆتىڭ رەسپۋبليكا مەن ونىڭ حالقى الدىنداعى جەكە ەڭبەگىنىڭ، سونداي-اق دەنە شىنىقتىرۋ مەن سپورتتى دامىتۋعا قوسقان زور ۇلەسىنىڭ لايىقتى باعاسى ەكەنىن اتاپ ءوتتى.
داۋدوۆتىڭ ايتۋىنشا، احمات قادىروۆتىڭ تىكەلەي قاتىسۋىمەن سپورت ينفراقۇرىلىمىن جەتىلدىرۋ، جاس تالانتتاردى قولداۋ، جاڭا جەڭىستەرگە جاعداي جاساۋ جانە سالاۋاتتى ءومىر سالتىن ناسيحاتتاۋ بويىنشا اۋقىمدى جانە جۇيەلى جۇمىس جۇرگىزىلۋدە.
بۇعان دەيىن رامزان قادىروۆتىڭ 18 جاستاعى ۇلى تاعى ءبىر ناگرادا العانى حابارلانعان بولاتىن. ال چەچنيا باسشىسى رامزان قادىروۆ ءوزىنىڭ 17 جاستاعى ۇلى ادامنىڭ ناگرادالارىن لايىقتى دەپ سانامايتىندارعا ونىمەن جەكە سويلەسۋدى ۇسىندى.