رەسەي پرەمەر-ليگاسىنىڭ (رپل) 2026/27 ماۋسىمىنىڭ ەكىنشى تۋرىندا گروزنىيدىڭ «احماتى» ءوز الاڭىندا ماسكەۋدىڭ «سپارتاگىنان» 1:2 ەسەبىمەن ۇتىلىپ قالدى، دەپ حابارلايدى infohub.kz سايتى.
كەزدەسۋ «احمات ارەنادا» ءوتىپ، قوناقتاردىڭ ەرىكتى جەڭىسىمەن اياقتالدى. ءۇي يەلەرى انگولالىق ۆينگەر ەگاش كاسينتۋرانىڭ پەنالتيدەن سوققان گولىمەن ەسەپ اشتى. الايدا كەيىن «سپارتاك» ساپىنان كامەرۋندىق قورعاۋشى كريستوفەر ۆۋ (39-مينۋت) پەن ارگەنتينالىق جارتىلاي قورعاۋشى ەسەكەل باركو (90+1-مينۋت) گول سوقتى.
شەشۋشى دوپ ماسكەۋلىكتەردىڭ سان جاعىنان باسىمدىعىمەن سوعىلدى: «احمات» 76-مينۋتتا كاسينتۋرانىڭ الاڭنان قۋىلۋىنان كەيىن ازشىلىقتا قالدى.
قازاقستان قۇراماسىنىڭ شابۋىلشىسى ماكسيم سامورودوۆ گروزنىيلىقتاردىڭ نەگىزگى قۇرامىندا الاڭعا شىقتى، ءبىراق ناتيجەلى ارەكەتىمەن كوزگە تۇسپەي، 62-مينۋتتا اۋىستىرىلدى. ۇلتتىق كوماندانىڭ تاعى ءبىر شابۋىلشىسى گالىمجان كەنجەبەك «احماتتىڭ» وتىنىمىنە ەندى، الايدا الاڭعا شىقپادى.
قازاقستان قۇراماسىنىڭ بۇرىنعى باس باپكەرى ستانيسلاۆ چەرچەسوۆ جاتتىقتىراتىن گروزنىيلىقتار ءبىر ۇپايمەن تۋرنير كەستەسىندە 11-ورىندا تۇر. «سپارتاك» التى ۇپايمەن ەكىنشى ساتىدا، قوسىمشا كورسەتكىشتەر بويىنشا ۇلتتىق كوماندانىڭ قورعاۋشىسى نۇرالى ءالىپ وينايتىن سانكت-پەتەربۋرگتىڭ «زەنيتىنەن» عانا قالىپ وتىر.