قازاقستاندىق ايەلدەر فۋتبول كلۋبى «اقتوبە» چەمپيوندار ليگاسىنداعى العاشقى ويىنىن يسلانديالىق «برەيدابليككە» قارسى سەنىمدى جەڭىسپەن باستادى. ماچ باستى ەۋروكۋبوكتىڭ ەكىنشى ىرىكتەۋ كەزەڭىنىڭ جارتىلاي فينالى اياسىندا ءوتتى، دەپ حابارلايدى infohub.kz سايتى.
ىرىكتەۋ ءميني-تۋرنيرىن اقتوبە قابىلداپ جاتىر. نەگىزگى ۋاقىت 1:1 ەسەبىمەن تەڭ اياقتالدى. الاڭ يەلەرى 12-مينۋتتا قازاقستان قۇراماسىنىڭ جارتىلاي قورعاۋشىسى ەكاتەرينا بابشۋكتىڭ گولىمەن ەسەپ اشتى. قوناقتار 16-مينۋتتا امەريكالىق جارتىلاي قورعاۋشى كەتلين دۋونگتىڭ ءدال سوققىسىمەن ەسەپتى تەڭەستىردى.
قوسىمشا ۋاقىتتا گول سوعىلمادى، سوندىقتان فينالعا جولداما تاعدىرى پەنالتي سەرياسىندا شەشىلدى. «اقتوبە» فۋتبولشىلارى دالىرەك سوققى جاساپ، 2:0 ەسەبىمەن جەڭىسكە جەتتى. جەڭىسكە شەشۋشى ۇلەستى « قىزىل-اقتاردىڭ» رەسەيلىك قاقپاشىسى زۋحرا توليبەكوۆا قوستى، ول ەكى سوققىنى قايتاردى.
وسىلايشا، «اقتوبە» ىرىكتەۋ ءتۋرنيرىنىڭ فينالىنا شىعىپ، جەنەۆادان كەلگەن شۆەيساريالىق «سەرۆەتت» كلۋبىمەن كەزدەسەدى. شۆەيساريالىق كوماندا ءوز جارتىلاي فينالىندا بەلارۋستىك «دينامونى» (مينسك) 3:0 ەسەبىمەن ءىرى جەڭدى.
فينال جەڭىمپازى چەمپيوندار ليگاسىنىڭ ءۇشىنشى ىرىكتەۋ راۋندىنا شىعادى، ال جەڭىلگەندەر تۋرنيردەگى ونەرىن اياقتايدى.