اقمولا وبلىسىندا سوت ەمحانادان پاسيەنتتىڭ پايداسىنا دارىگەرلەردىڭ دياگنوستيكا مەن ەمدەۋدە جىبەرگەن قاتەلىكتەرى ءۇشىن 1،6 ملن تەڭگەدەن استام سومانى ءوندىرىپ بەردى، دەپ حابارلايدى infohub.kz سايتى.
اقمولا وبلىسى سوتتارىنىڭ رەسمي Telegram-ارناسىندا حابارلانعانداي، القا پاسيەنتتىڭ سەلينوگراد اۋداندىق ەمحاناسى مەن ءۇش دارىگەرگە قاتىستى جوعالتقان تابىسىن، ەمدەۋ شىعىندارىن جانە مورالدىق زياننىڭ وتەماقىسىن ءوندىرۋ تۋرالى تالاپ ارىزى بويىنشا ازاماتتىق ءىستى قارادى.
ءبىرىنشى ساتىداعى سوتتىڭ شەشىمىمەن تالاپ ءىشىنارا قاناعاتتاندىرىلدى. تالاپكەردىڭ پايداسىنا ەمحانادان 700 مىڭ تەڭگە كولەمىندە مورالدىق زياننىڭ وتەماقىسى ءوندىرىلدى، ال جوعالتقان تابىس پەن ەمدەۋ شىعىندارىن ءوندىرۋ تۋرالى تالاپتىڭ قاناعاتتاندىرىلۋىنان باس تارتىلدى.
وبلىستىق سوت القاسى مىنانى انىقتادى. 2025 جىلدىڭ شىلدەسىندە جشس-تە مەحانيزاتور بولىپ جۇمىس ىستەيتىن تالاپكەر باس اۋرۋى، جوتەل، مۇرىننىڭ بىتەلۋى، دەنە قىزۋىنىڭ جوعارىلاۋى، يىقتىڭ اۋىرۋى سياقتى شاعىمدارمەن اۋداندىق ەمحاناعا جۇگىندى. دياگنوز قويىلدى: جرۆي، جەدەل نازوفارينگيت، ءورشۋ ساتىسىنداعى سوزىلمالى برونحيت، پوليسەگمەنتارلى پنەۆمونيا.
بىرنەشە كۇننەن كەيىن ەر ادام قولدارى مەن يىق بۋىنىنىڭ اۋىرۋى جانە ءىسىنۋى تۋرالى شاعىمدارمەن ەمحاناعا قايتا جۇگىندى. دارىگەرلەردىڭ ءبىرى رەۆماتويدتى ارتريت دياگنوزىن قويىپ، تراۆماتولوگتىڭ كەڭەسىن ۇسىندى. تراۆماتولوگ يىق بۋىنىنىڭ بايلامدارىنىڭ سوزىلۋى، شامادان تىس كەرنەۋى دەگەن دياگنوز قويدى. ءۇشىنشى دارىگەر تراۆماتولوگتىڭ دياگنوزىن قايتالادى.
ءبىر اپتادان كەيىن تالاپكەر شۇعىل تۇردە استاناداعى اۋرۋحاناعا جات قىزىلدى، وندا وعان سول جاق جوعارعى اياقتىڭ، يىق استى جانە يىق ءۇستى ايماقتارىنىڭ فلەگموناسى دياگنوزى قويىلدى. شۇعىل حيرۋرگيالىق وپەراسيا جاسالىپ، شامامەن 1،5 ليتر ءىرىڭ سورىپ الىندى.
قاتە قويىلعان دياگنوز بەن ەمدەۋدىڭ سالدارىنان دەنساۋلىققا ۇزاق ۋاقىت ەڭبەككە جارامسىزدىقپەن زيان كەلتىرىلدى. ساراپتاما كوميسسياسىنىڭ قورىتىندىسى بويىنشا، اۋداندىق ەمحانانىڭ دارىگەرلەرى قاتەلىكتەر جىبەرگەن: دياگنوستيكانى ۋاقتىلى جۇرگىزبەۋ، تالداۋلار مەن زەرتتەۋلەردى ەلەمەۋ، بۇل گەماتوما مەن فلەگمونانىڭ دامۋىنا اكەلىپ سوقتى، ناتيجەسىندە حيرۋرگيالىق ارالاسۋعا، يىق بۋىنىنىڭ فۋنكسياسىنىڭ بۇزىلۋىنا اكەلدى.
كوميسسيانىڭ قورىتىندىسىمەن مەديسينا قىزمەتكەرلەرىنىڭ ارەكەتتەرى مەن كەلتىرىلگەن زيان اراسىنداعى سەبەپتىك بايلانىس انىقتالدى: پاسيەنتتىڭ شاعىمدارىنا ءتيىستى كوڭىل بولىنبەگەن، انامنەز ءۇستىرت جاسالعان، قويىلعان دياگنوز تولىق ەمەس.
القا قاۋلىسىمەن ءبىرىنشى ساتىداعى سوتتىڭ شەشىمى جوعالتقان تابىس سوماسىن ءوندىرۋ تۋرالى تالاپتى قاناعاتتاندىرۋدان باس تارتۋ بولىگىندە وزگەرتىلىپ، جاڭا شەشىم قابىلداندى. القا ەمحانادان پاسيەنتتىڭ پايداسىنا 914 مىڭ تەڭگە كولەمىندە جوعالتقان تابىس سوماسىن ءوندىردى، ويتكەنى ول ۇزاق ۋاقىت ەڭبەككە جارامسىزدىق پاراعىندا بولدى. قالعان بولىگىندە سوت شەشىمى وزگەرىسسىز قالدى.
ەمدەۋ شىعىندارىن (دارى-دارمەك ساتىپ الۋ) وندىرۋدەن باس تارتىلدى، ويتكەنى بۇل شىعىنداردى ساقتاندىرۋ كومپانياسى جابادى. سوت اكتىلەرى زاڭدى كۇشىنە ەندى.