اقمولا وبلىسىندا ەرەيمەنتاۋ اۋدانىنىڭ 43 جاستاعى تۇرعىنى ماس كۇيىندە جول-كولىك وقيعاسىن جاساپ، اپاتقا قاتىسۋشى ەكىنشى جۇرگىزۋشىگە بۇراعىشپەن ءقاۋىپ توندىرگەن، دەپ حابارلايدى infohub.kz سايتى.
اقمولا وبلىسى پوليسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، وقيعا ەرەيمەنتاۋ قالاسىنداعى ابىلاي حان كوشەسىندە بولعان. ۆاز-2107 جانە Toyota Camry كولىكتەرى اراسىندا شامالى سوقتىعىس ورىن العان. الايدا وتاندىق جەڭىل كولىكتىڭ جۇرگىزۋشىسى جاعدايدى بەلگىلەنگەن تارتىپپەن رەتتەۋدىڭ ورنىنا، كولىكتەن شىعىپ، بۇراعىش الىپ، اپاتقا قاتىسۋشى ەكىنشى جۇرگىزۋشىگە دەنە جاراقاتىن سالامىن دەپ قورقىتقان. جابىرلەنۋشى دەرەۋ پوليسياعا حابارلاسقان.
وقيعا ورنىنا كەلگەن ءتارتىپ ساقشىلارى اپات كىناسىنىڭ ماس كۇيىندە ەكەنىن انىقتاعان. سونىمەن قاتار، ول بۇعان دەيىن ماس كۇيىندە كولىك جۇرگىزگەنى ءۇشىن كولىك جۇرگىزۋ قۇقىعىنان ايىرىلعان.
وسى فاكتىلەر بويىنشا پوليسەيلەر ەكى سوتقا دەيىنگى تەرگەۋدى باستادى: ءقاۋىپ ءتوندىرۋ فاكتىسى جانە كولىك جۇرگىزۋ قۇقىعىنان ايىرىلعان ادامنىڭ قايتادان ماس كۇيىندە كولىك جۇرگىزۋ فاكتىسى بويىنشا.