اقمولا وبلىسىندا ساپبوردتا ءجۇزىپ جۇرگەن ەكى ەر ادام جوعالىپ كەتكەن ەدى، ولاردى ىزدەۋ ءساتتى اياقتالدى، دەپ حابارلايدى infohub.kz سايتى.
وقيعا استانا سۋ قويماسىندا بولدى. 2001 جانە 2002 جىلى تۋعان ەر ادامدار سۋعا تۇسكەن، ءبىراق كەنەتتەن سوققان جەل مەن بيىك تولقىندار سالدارىنان ولاردى جاعادان شامامەن 4 شاقىرىمعا الىپ كەتكەن.
اقمولا وبلىسى جانە استانا قالاسى تجد قۇتقارۋشىلارى دەرەۋ ىزدەۋگە شىقتى. وپەراسيا شامامەن ءتورت ساعاتقا سوزىلدى. تۇنگى ساعات ءبىر شاماسىندا جوعالعاندار قامىس اراسىنان تابىلدى. ولار ۇيىقتاپ قالىپ، قۇتقارۋشىلاردىڭ بەلگىلەرىن ەستىمەگەن.
ەر ادامدار جاعاعا جەتكىزىلدى، ولارعا مەديسينالىق كومەك قاجەت بولمادى. دەگەنمەن، سۋ ايدىندارىنداعى قاۋىپسىزدىك تالاپتارىن بۇزعانى ءۇشىن ولار ق ر اقبتك-نىڭ 412-بابى بويىنشا اكىمشىلىك جاۋاپكەرشىلىككە تارتىلدى.
تجم ەسكە سالادى: سۋعا شىعار الدىندا اۋا رايى جاعدايىن جانە بولجامدى ەسكەرۋ، جەلدىڭ كۇشەيۋى مەن تولقىن بيىكتىگىنە نازار اۋدارۋ قاجەت. قولايسىز اۋا رايىندا سۋعا شىقپاۋ كەرەك.