اقمولا وبلىسىنداعى كراسيۆوە اۋىلىنداعى تەمىرجول ستانسياسىندا باقىتسىزدىق وقيعاسى بولدى: ەر ادام قوزعالىپ كەلە جاتقان ۆاگوننىڭ استىنا ءتۇسىپ، اۋىر جاراقات الدى، دەپ حابارلايدى infohub.kz سايتى.
وقيعا 27 تامىزدا بولعان. الدىن الا بولجام بويىنشا، ەر ادام ۆاگون قوزعالا باستاعان كەزدە جولدا تۇرعان. وقيعا ءمان-جايىن تەرگەۋشىلەر انىقتاپ جاتىر.
زارداپ شەككەن ادام ەكى قولىنان اۋىر جاراقات الىپ، قاتتى قان جوعالتقان. ونى ەسىل اۋداندىق اۋرۋحاناسىنا جەتكىزگەن. ەر ادام جەرگىلىكتى تۇرعىن ەمەس — ول كورشى وڭىردەن ىسساپارمەن كەلگەنى بەلگىلى بولدى.
اقمولا وبلىسى كولىك پوليسياسى دەپارتامەنتىندە بولعان وقيعاعا تۇسىنىكتەمە بەردى: «اعىمداعى جىلدىڭ 27 تامىزىندا تەمىرجول كولىگىنىڭ قوزعالىسى مەن پايدالانۋ ەرەجەلەرىن بۇزۋ فاكتىسى بويىنشا كوكشەتاۋ ستانسياسىنداعى كولىك پوليسياسى ءبولىمى قىلمىستىق ءىس قوزعادى. قازىرگى ۋاقىتتا ءىس بويىنشا قاجەتتى تەرگەۋ ارەكەتتەرى جۇرگىزىلۋدە. ق ر قپك-نىڭ 201-بابىنا سايكەس وزگە اقپارات جاريالاۋعا جاتپايدى».
بۇعان دەيىن اقمولا وبلىسىندا كوپبالالى انا تەمىرجول قۇرامىنىڭ استىندا قازا تاپقانى، ال قاراعاندىدا ماس ايەل پويىز سوققانىنان امان قالعانى حابارلانعان بولاتىن.