اقمولا وبلىسىندا ۇيىمداسقان قىلمىس توبىنىڭ قىزمەتى تۋرالى رەزونانستىق قىلمىستىق ءىستى قاراۋ اياقتالدى. ولاردىڭ مۇشەلەرى شامامەن 2 ملرد تەڭگەگە زاڭسىز نەسيە راسىمدەگەن، دەپ حابارلايدى infohub.kz سايتى.
وبلىس پروكۋراتۋراسىنىڭ مالىمەتىنشە، بيىل مامانداندىرىلعان پروكۋرورلار اسا ءىرى كولەمدە الاياقتىق جاسادى دەپ ايىپتالعان ۇيىمداسقان قىلمىس توبىنىڭ 21 مۇشەسىنە قاتىستى تەرگەۋدى اياقتاعان.
تەرگەۋ بارىسىندا انىقتالعانداي، قىلمىسكەرلەر ازاماتتاردى الداپ، ولاردىڭ جەكە دەرەكتەرىن پايدالانىپ، ەكىنشى دەڭگەيلى بانكتەر مەن ميكروقارجى ۇيىمدارىنان نەسيە راسىمدەگەن. كەلتىرىلگەن زالالدىڭ جالپى سوماسى شامامەن 2 ملرد تەڭگەنى قۇراعان.
اقمولا وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ 2026 جىلعى 5 تامىزداعى ۇكىمىمەن بارلىق 21 ايىپتالۋشى كىنالى دەپ تانىلدى. ولارعا 5 جىلدان 10 جىلعا دەيىن باس بوستاندىعىنان ايىرۋ جازاسى تاعايىندالدى.
سونىمەن قاتار، قىلمىستىق جولمەن ساتىپ الىنعان م ۇلىك، ونىڭ ىشىندە الماتىداعى پاتەرلەر، Lexus LX 570، Toyota Land Cruiser 200، Toyota Camry جانە باسقا دا قىمبات كولىكتەر مەملەكەت كىرىسىنە الىندى.
سوت ۇكىمى زاڭدى كۇشىنە ەنگەن جوق.
ەسكە سالايىق، بۇعان دەيىن وسى سوتتا نەسيە راسىمدەۋ ماقساتىندا ادامداردى ۇرلاۋ ايىپتارى قارالعان بولاتىن. ايىپتالۋشىلارعا 10 جىلعا دەيىن باس بوستاندىعىنان ايىرۋ جازاسى سۇرالعان ەدى.