اقتوبەدە جىلجىمايتىن م ۇلىك ساتىپ الۋعا بايلانىستى الاياقتىق جاسادى دەگەن كۇدىككە ىلىنگەن ايەل ۇستالدى. تەرگەۋ دەرەكتەرىنە سايكەس، ونىڭ ارەكەتىنەن قوسشى قالاسىنىڭ كەمىندە ەكى تۇرعىنى زارداپ شەككەن، جالپى شىعىن 22 ملن تەڭگەنى قۇراعان، دەپ حابارلايدى infohub.kz.
تەرگەۋ نۇسقاسى بويىنشا، ايەل پاتەر ساتىپ الۋدى جەلەۋ ەتىپ، ازاماتتاردان 14 ملن جانە 8 ملن تەڭگە العان، سودان كەيىن ءىزىن سۋىتقان. شىلدە ايىندا ول ىزدەۋ جاريالانعان.
«جەدەل-ىزدەستىرۋ ءىس-شارالارى بارىسىندا پوليسەيلەر كۇدىكتىنىڭ اقتوبەدە ەكەنىن انىقتادى. جەرگىلىكتى ارىپتەستەردىڭ كومەگىمەن ول ۇستالىپ، ۋاقىتشا ۇستاۋ يزولياتورىنا قامالدى»، — دەپ حابارلادى اقمولا وبلىسى پد ءباسپاسوز قىزمەتى.
ۇستالعاننان كەيىن ايەلدىڭ اقتوبەدەگى مەكتەپتەردىڭ بىرىندە ءمۇعالىم بولىپ جۇمىس ىستەگەنى بەلگىلى بولدى. ءقازىر قۇقىق قورعاۋ ورگاندارى ونىڭ جۇمىسقا ورنالاسۋ ءمان-جايلارىن جانە جۇمىسقا قابىلداۋ كەزىندە ۇسىنعان قۇجاتتارىنىڭ ءتۇپنۇسقالىعىن تەكسەرىپ جاتىر.
سونداي-اق تەرگەۋ جالعان قۇجاتتار مەن انىقتامالاردى پايدالانۋ مۇمكىندىگىن قاراستىرۋدا.
بۇعان دەيىن «كۋرسيۆ» ق ر ءىىم جاساندى ينتەللەكتتى قولداناتىن الاياقتىق تۋرالى ەسكەرتكەنىن جازعان بولاتىن. قىلمىسكەرلەر تۋىستارىنىڭ نەمەسە تانىستارىنىڭ داۋىسى مەن كەلبەتىن بۇرمالاپ، ادامدى شۇعىل تۇردە اقشا اۋدارۋعا سەندىرۋى مۇمكىن. پوليسيا مۇنداي وتىنىشتەردى قايتا تەكسەرۋدى، جاقىندارىڭىزعا وزدەرىڭىز قوڭىراۋ شالۋدى جانە بانك كارتالارىنىڭ دەرەكتەرىن، SMS-كودتار مەن پارولدەردى حابارلاماۋدى ۇسىنادى.