2025 جىلدىڭ شىلدەسىندە قاراتوبە اۋدانىنىڭ پروكۋراتۋراسى WhatsApp مەسسەندجەرىنىڭ پايدالانۋشىلارىنىڭ اقشاسىن ۇرلاعان الاياقتار توبىنىڭ ءىسىن سوتقا جولدادى، دەپ حابارلايدى infohub.kz سايتى.
الاياقتار قازاقستاندىقتارمەن حات الماسىپ، وزدەرىن ولاردىڭ تۋىستارى رەتىندە تانىستىرىپ، ءارتۇرلى سىلتاۋلارمەن اقشا اۋدارىمدارىن الىپ وتىرعان.
الاياقتىق سحەماعا دروپپەر دەپ اتالاتىن ادام بەلسەندى قاتىسقان، ونىڭ بانكتىك شوتى ارقىلى شامامەن 5 ملن تەڭگە كولەمىندەگى اقشا قاراجاتى شىعارىلعان.
سوتقا دەيىنگى تەرگەۋ بارىسىندا ولاردىڭ ينتەرنەت-الاياقتىقتىڭ 15 ەپيزودىنا قاتىسى انىقتالدى. جابىرلەنۋشىلەر اراسىندا باتىس قازاقستان، اقتوبە، الماتى، جامبىل، قىزىلوردا، تۇركىستان وبلىستارىنىڭ، سونداي-اق جەتىسۋ وبلىسى مەن الماتى قالاسىنىڭ تۇرعىندارى بار. سوت ءۇش الاياقتىڭ دا كىناسىن تولىق دالەلدەندى دەپ تانىدى. بيىلعى جىلدىڭ ماۋسىم ايىندا ولاردىڭ ەكەۋى 3 جىلدان 4 جىل 1 ايعا دەيىنگى مەرزىمگە باس بوستاندىعىنان ايىرىلسا، بىرەۋى 3 جىلعا باس بوستاندىعىن شەكتەۋ جازاسىنا كەسىلدى.
سونىمەن قاتار، سوت جابىرلەنۋشىلەردىڭ ازاماتتىق تالاپتارىن تولىق قاناعاتتاندىردى.
ۇكىم زاڭدى كۇشىنە ەنگەن جوق.