استانا قالاسى پروكۋراتۋراسىنىڭ پروكۋرورى تالانت قالييەۆ رسك-دا وتكەن بريفينگتە قازاقستاندىقتاردىڭ الاياقتاردىڭ قۇربانىنا قالاي اينالاتىنىن ايتىپ بەردى، دەپ حابارلايدى infohub.kz.
تالانت قالييەۆ الاياقتاردىڭ الەۋمەتتىك ينجەنەريانى بەلسەندى قولداناتىنىن اتاپ ءوتتى.
«قىلمىسكەرلەر جاساندى ينتەللەكتتى پايدالانىپ، تۋىسىنىڭ داۋىسىن يميتاسيالاي الادى جانە بولجامدى توتەنشە جاعداي تۋرالى حابارلايدى. ادام بولجامدى جول-كولىك وقيعاسىنا نەمەسە باسقا دا قيىندىققا تاپ بولعان، وعان شۇعىل اقشا قاجەت دەپ ايتادى. مۇنداي تۇزاققا كوبىنەسە ەگدە جاستاعى ادامدار تۇسەدى - ولار وزدەرىنە بالالارى، نەمەرەلەرى قوڭىراۋ شالدى دەپ ويلايدى. ولار تانىس داۋىستى ەستىپ، بىردەن كورسەتىلگەن نومىرگە اقشا جىبەرەدى»، - دەيدى سپيكەر.
پروكۋرور قازاقستاندىقتاردى مۇنداي جاعدايدا قوڭىراۋدى توقتاتىپ، جاقىندارىنا قوڭىراۋ شالىپ، ءبارىنىڭ جاقسى ەكەنىنە كوز جەتكىزۋگە شاقىرادى.
«بىردەن اقشا اۋدارۋدىڭ قاجەتى جوق. مۇنداي جاعدايدا تەك ەستىگەن داۋىسقا سەنۋگە بولمايدى. تۋىسىڭىزعا بەلگىلى ءنومىر ارقىلى ءوزىڭىز قوڭىراۋ شالىپ، وعان شىنىمەن كومەك قاجەت ەكەنىنە كوز جەتكىزۋىڭىز كەرەك»، - دەپ كەڭەس بەرەدى ول.