2026 جىلدىڭ ءبىرىنشى جارتىسىندا قازاقستانداعى الەۋمەتتىك تولەمدەر كولەمى 3،3 ترلن تەڭگەنى قۇراپ، 4،6 ملن ادامدى قامتىدى. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى اسقاربەك ەرتاەۆتىڭ توراعالىعىمەن وتكەن كەڭەيتىلگەن وتىرىستا بەلگىلى بولدى. وتىرىستا جارتىجىلدىق قورىتىندى شىعارىلىپ، جىل سوڭىنا دەيىنگى جوسپارلار بەلگىلەندى، دەپ حابارلايدى infohub.kz سايتى.
مينيستر مەملەكەتتىڭ الەۋمەتتىك ساياساتتى جۇزەگە اسىرۋدى جالعاستىرىپ، ازاماتتار الدىنداعى مىندەتتەمەلەردى دەر كەزىندە ورىنداپ جاتقانىن اتاپ ءوتتى. 2026 جىلى الەۋمەتتىك تولەمدەرگە 6،8 ترلن تەڭگە كوزدەلگەن. ەرتاەۆتىڭ ايتۋىنشا، باستى مىندەتتەردىڭ ءبىرى – تولەمدەردىڭ تۇراقتىلىعى مەن حالىقتى الەۋمەتتىك قولداۋ شارالارىنىڭ تيىمدىلىگىن ودان ءارى ارتتىرۋ.
وتىرىسقا مينيسترلىك قىزمەتكەرلەرى، ورتالىق جانە جەرگىلىكتى اتقارۋشى ورگانداردىڭ، كوميتەتتەردىڭ، ۆەدومستۆولىق باعىنىستى ۇيىمداردىڭ وكىلدەرى، سونداي-اق قوعامدىق كەڭەس مۇشەلەرى قاتىستى.