الماتىدا جاڭا قالالىق ساياباق قۇرۋ جوباسىن ىسكە اسىرۋ باستالدى. قالا اكىمدىگى تۇركسىب اۋدانىنداعى جالپى اۋدانى شامامەن 6،7 گەكتار جەر ۋچاسكەلەرىن مەملەكەتتىك قاجەتتىلىكتەر ءۇشىن ساتىپ الۋ تۋرالى شەشىم قابىلدادى. بۇل اۋماقتا جاسىل ايماق جوسپارلانۋدا، دەپ حابارلايدى infohub.kz سايتى.
جەردى الىپ قويۋ تۋرالى ءتيىستى قاۋلىعا قالا اكىمى قول قويدى. ماجبۇرلەپ يەلىكتەن ايىرۋعا جاتاتىن نىساندار تىزىمىنە قايرات شاعىن اۋدانىنداعى ءۇش ءىرى ۋچاسكە ەندى: اۋدانى 1،525 گەكتار 297/14 ۋچاسكەسى، اۋدانى 3،614 گەكتار 297/25 ۋچاسكەسى جانە اۋدانى 1،566 گەكتار 297/24 ۋچاسكەسى.
قالالىق بيلىك ساتىپ الۋ جانە اۋماقتى بوساتۋ پروسەدۋراسىن 2027 جىلدىڭ 31 جەلتوقسانىنا دەيىن اياقتاۋدى جوسپارلاپ وتىر. بارلىق جىلجىمايتىن م ۇلىك يەلەرىنە جەرگىلىكتى اتقارۋشى ورگان تاراپىنان وتەماقى تولەنەتىن بولادى. ۋچاسكەلەر، تۇرعىن ۇيلەر جانە باسقا دا كۇردەلى قۇرىلىستار نارىقتىق قۇنى بويىنشا باعالانادى. ەگەر يەسى ۇسىنىلعان سومامەن كەلىسپەسە، وتەماقىنىڭ تۇپكىلىكتى مولشەرىن سوت انىقتايدى.
كەلىسسوزدەر جۇرگىزۋ جانە زاڭدى ماسەلەلەردى انىقتاۋ ءۇشىن يەلىكتەن الىناتىن م ۇلىك يەلەرى مىنا مەكەنجايعا جۇگىنە الادى: الماتى قالاسى، تولە بي كوشەسى، 155، 6-قابات، 602-كابينەت.