الداعى جەكسەنبىدە، 16 تامىزدا، الماتىنىڭ باستى كولىك ارتەريالارىنىڭ ءبىرى — ءال-فارابي داڭعىلى — كولىك قوزعالىسى ءۇشىن تولىعىمەن جابىلادى. سەبەپ — Gran Fondo World Championship حالىقارالىق ۆەلوسيپەد جارىسى، دەپ حابارلايدى infohub.kz سايتى.
Gran Fondo — شامامەن ءجۇز جىل بۇرىن يتاليادا پايدا بولعان جارىستار سەرياسى، سودان بەرى بۇكىل الەمگە تاراعان. ولارعا كاسىبي ۆەلوشاباندوزدار دا، اۋەسقويلار دا قاتىسا الادى. الماتىدا 20-دان استام ەلدەن مىڭعا جۋىق قاتىسۋشى كۇتىلۋدە، دەپ حابارلايدى قالالىق اكىمدىكتىڭ ءباسپاسوز قىزمەتى.
جارىستىڭ ستارتى مەن مارەسى ءال-فارابي داڭعىلى، 40 مەكەنجايىندا ورنالاسادى. سپورتشىلار اينالمالى باعىت بويىنشا قوزعالادى. ەڭ قىسقا قاشىقتىق — 37 شاقىرىم، ەڭ ۇزاعى — 95 شاقىرىم. ەسكە سالا كەتەيىك، بۇل جارىستار قازاقستاندا 2023 جىلدان بەرى وتكىزىلىپ كەلەدى.
كولىك قوزعالىسى ەكى كەزەڭدە شەكتەلەدى. 05:30-دەن 06:40-قا دەيىن دوستىق داڭعىلىنان تالعار تراكتىسىنە دەيىنگى ۋچاسكە جابىلادى. سودان كەيىن 05:30-دەن 10:30-عا دەيىن دوستىق داڭعىلىنان ناۋاي كوشەسىنە دەيىنگى بولىك جابىلادى.
بۇعان دەيىن اۆتوبۋس جولاۋشىلارى مەن كولىك جۇرگىزۋشىلەرى ساينا كوشەسىندەگى بولەك جولاقتىڭ تيىمدىلىگى تۋرالى داۋلاسىپ جاتقانى حابارلانعان بولاتىن.