الماتىدا ەر ادام قوعامدىق كولىكتە كىشكەنتاي بالاعا قول تيگىزگەنى ءۇشىن اكىمشىلىك جاۋاپكەرشىلىككە تارتىلدى. وقيعا №129 اۆتوبۋستا بولعان، دەپ حابارلايدى infohub.kz.
Threads الەۋمەتتىك جەلىسىندەگى malikam_yusupova اتتى قولدانۋشى بولعان وقيعا تۋرالى جازبا جاريالادى. ونىڭ ايتۋىنشا، اۆتوبۋسقا ايەل بالاسىمەن كىرگەن. بالا ەر ادامنىڭ قاسىنا وتىرعان، ال اناسى الدىڭعى ورىنعا جايعاسقان. الدىمەن ايەل ەر ادامدى بالانىڭ اكەسى دەپ ويلاعان، ويتكەنى ول بالامەن ويناي باستاعان. الايدا كەيىن ول ەر ادامنىڭ بالانى تىم ەركىن ۇستاپ، ارتىنان جىنىس مۇشەلەرىنە دەيىن قولىن تيگىزگەنىن بايقاعان.
كۋاگەر اناسىنا جاقىنداپ، ەر ادامنىڭ بالانىڭ اكەسى مە دەپ سۇراعان. ايەل تەرىس جاۋاپ بەرگەن. سودان كەيىن جازبا اۆتورى اناعا بولعان جاعدايدى ايتقان. ول سونداي-اق ەر ادامدى بەينەعا تۇسىرگەن. ەر ادام ونىڭ ايالداماسىندا تۇسكەندە، ول وعان ايتارىن ايتىپ، ارىز جازاتىنىن ەسكەرتكەن. جاۋاپ رەتىندە ەر ادام ك ۇلىمسىرەپ، جاي عانا ويناعانىن، بالانىڭ جىنىس مۇشەلەرىنە بىرنەشە رەت قولىن تيگىزگەنىن ايتقان.
الماتى پوليسيا دەپارتامەنتى جاريالانىمعا جاۋاپ بەردى. ۆەدومستۆو الاتاۋ اۋدانى پوليسيا باسقارماسى قىزمەتكەرلەرى تەكسەرۋ جۇرگىزگەنىن حابارلادى. ەر ادامنىڭ جەكە باسى انىقتالىپ، ول پوليسيا باسقارماسىنا جەتكىزىلدى. تەكسەرۋ ناتيجەسىندە ەر ادام قازاقستان رەسپۋبليكاسىنىڭ زاڭناماسىنا سايكەس اكىمشىلىك جاۋاپكەرشىلىككە تارتىلدى.