الماتى تۇرعىندارى مەگاپوليستەگى جانارماي قۇيۋ ستانسيالارىندا اۆتوگازدىڭ جەتىسپەۋشىلىگىنە تاپ بولدى. جۇرگىزۋشىلەر كوگىلدىر وتىننىڭ كەيبىر اجس-دە بىرنەشە كۇننەن بەرى جوق ەكەنىن ايتىپ شاعىمدانۋدا، دەپ حابارلايدى infohub.kz سايتى.
قازاقستان رەسپۋبليكاسى ەنەرگەتيكا مينيسترلىگى وتىننىڭ ايماققا كىدىرىسسىز جونەلتىلىپ جاتقانىن مالىمدەدى. تامىز ايىنا الماتى ءۇشىن شامامەن 6،5 مىڭ توننا كوزدەلگەن، قوسىمشا تاعى 1،5 مىڭ توننا بولىنگەن. الايدا قالا ىشىندە وتىندى ءبولۋ جەرگىلىكتى بيلىكتىڭ قۇزىرىندا.
اكىمدىكتە جەكەلەگەن گاز قۇيۋ ستانسيالارىنداعى ۋاقىتشا شەكتەۋلەردىڭ سەبەبى جەتكىزۋشى زاۋىتتاردىڭ گازدى ۋاقتىلى تيەمەۋىنە جانە تيىسىنشە تەمىرجول كولىگىمەن جەتكىزۋدەگى كىدىرىستەرگە بايلانىستى ەكەنىن ءتۇسىندىردى. بۇل ۇزىلىستەر قىسقا مەرزىمدى سيپاتقا يە.
«شامامەن ەكى-ۇش كۇن ىشىندە نارىق تولىعىمەن قانىعادى، سودان كەيىن قالا بويىنشا ۇزىلىستەر بولماۋى كەرەك»، — دەپ پىكىر ءبىلدىردى الماتى قالاسى كاسىپكەرلىك جانە ينۆەستيسيا باسقارماسى باسشىسىنىڭ مىندەتىن اتقارۋشى جانىبەك شايدىكەرىم.