الماتى پوليسياسى قازاقستاندىقتارعا قوعامدىق ورىنداردا سىرتقى كەلبەتكە قويىلاتىن زاڭ تالاپتارىن ەسكە سالىپ، قانداي جاعدايلاردا بەتتى جابۋعا بولاتىنىن ايتتى، دەپ حابارلايدى infohub.kz سايتى.
الماتىدا قۇقىق قورعاۋ ورگاندارى بەتتى تانۋعا كەدەرگى كەلتىرەتىن كيىم كيۋ تۋرالى زاڭناما تالاپتارىن ساقتاۋ بويىنشا تۇسىندىرمە جۇمىستارىن جۇرگىزۋدە. مۇنداي بۇزۋشىلىق ءۇشىن اكىمشىلىك جاۋاپكەرشىلىك قاراستىرىلعان. بۇل ق ر اقبتك-نىڭ 434-3-بابىنا قاتىستى.
«بۇل ادامنىڭ سىرتقى كەلبەتىنە قاتىستى ەمەس، تەك قوعامدىق قاۋىپسىزدىك تالاپتارىنا قاتىستى ەكەنىن ءتۇسىنۋ ماڭىزدى. زاڭ بەتتى جابۋعا بولاتىن ناقتى جاعدايلاردى قاراستىرادى»، — دەدى جاندوس قاۆلييەۆ.
ونىڭ ايتۋىنشا، مۇنداي ەرەكشەلىكتەرگە مەديسينالىق كورسەتكىشتەر، بەلگىلى ءبىر اۋا رايى جاعدايلارى، قىزمەتتىك جانە ەڭبەك مىندەتتەرىن اتقارۋ، سونداي-اق سپورتتىق جانە مادەني-بۇقارالىق ءىس-شارالارعا قاتىسۋ جاتادى.
«باسقا جاعدايلاردا ازاماتتار زاڭناما تالاپتارىن ەسكەرۋى قاجەت. ءبىزدىڭ مىندەتىمىز — ەڭ الدىمەن وسى نورمالاردى ءتۇسىندىرۋ جانە ىقتيمال بۇزۋشىلىقتاردىڭ الدىن الۋ»، — دەپ اتاپ ءوتتى جاندوس قاۆلييەۆ.
پوليسيادا شەكتەۋلەر ادامنىڭ سىرتقى كەلبەتىنە ەمەس، ءدال بەتتى تانۋ مۇمكىندىگىنە قاتىستى ەكەنىن اتاپ ءوتتى.