الماتىدا قالانىڭ ءتورت اۋدانىندا جاپپاي ەلەكتر قۋاتى وشىرىلگەننەن كەيىن پوليسيا كۇشەيتىلگەن جۇمىس رەجيمىنە كوشتى. كوپتەگەن قيىلىستاردا باعدارشامدار قولمەن رەتتەۋگە اۋىستىرىلدى، ال ەڭ جۇكتەلگەن ۋچاسكەلەردە 150-دەن استام پوليسيا قىزمەتكەرى كەزەكشىلىك ەتىپ جاتىر، دەپ حابارلايدى infohub.kz سايتى.
پوليسيا دەپارتامەنتىندە حابارلاعانداي، ءقازىر باعدارشامدار قولمەن رەتتەۋگە اۋىستىرىلدى. ەڭ جۇكتەلگەن جانە وسال ۋچاسكەلەرگە 150-دەن استام پوليسيا قىزمەتكەرى تارتىلىپ، ولار جول قوزعالىسىن رەتتەپ جاتىر.
الماتى پوليسياسى جولدارداعى احۋالدى باقىلاۋدا ۇستاپ، كولىك قوزعالىسىنىڭ ۇزدىكسىز جانە ءقاۋىپسىز بولۋىن قامتاماسىز ەتۋ ءۇشىن بارلىق قاجەتتى شارالاردى قولدانۋدا. جۇرگىزۋشىلەر مەن جاياۋ جۇرگىنشىلەردەن پوليسيا قىزمەتكەرلەرىنىڭ تالاپتارىن ورىنداۋدى، بارىنشا مۇقيات بولۋدى جانە مۇمكىندىگىنشە بالامالى باعىتتاردى تاڭداۋدى سۇرايدى.
ەسكە سالايىق، بۇگىن الماتىدا جانە الماتى وبلىسىندا اۋقىمدى بلەكاۋت بولدى. ەنەرگەتيكا مينيسترلىگىنىڭ ءباسپاسوز قىزمەتىنىڭ مالىمەتىنشە، سەبەبى — ورتالىق ازيا ەنەرگوجۇيەسى تاراپىنان ەلەكتر قۋاتى اعىنىنىڭ كۇرت وزگەرۋىنەن تۋىنداعان ەنەرگوجۇيەدەگى قۋاتتىڭ اسىپ كەتۋى. سالدارىنان اۆارياعا قارسى اۆتوماتتاندىرۋ ىسكە قوسىلىپ، قازاقستاننىڭ كەيبىر وڭىرلەرىندە ءبىرقاتار تۇتىنۋشىلاردىڭ ەلەكتر قۋاتى ءوشىرىلدى.